Memleket Basshysy Qasym-Jomart Toqaevtyń Jarlyǵymen 2025 jyl jumysshy mamandyqtar jyly bolyp jarıalandy. Bul mańyzdy sheshim bilikti jumysshy kadrlardyń el ekonomıkasy úshin mańyzdylyǵyn aıqyndaıdy. Bul týraly Aqshamnews.kz saıty habarlaıdy.
1940 jyly negizi qalanǵan ALMATY POLYTECHNIC COLLEGE ondaǵan jyldar boıy IT salasyna joǵary bilikti mamandar daıarlaýda elimizdiń jetekshi bilim berý mekemeleriniń birine aınaldy. Kolejde «Esepteý tehnıkasy jáne aqparattyq jeliler», «Aqparattyq qaýipsizdik júıeleri», «Baǵdarlamalyq qamtamasyz etý», «Radıotehnıka, elektronıka jáne telekomýnıkasıalar», «Mashınalar men jabdyqtardy paıdalaný jáne tehnıkalyq qyzmet kórsetý» sıaqty suranysqa ıe mamandyqtar boıynsha sapaly bilim beriledi.
2017 jyldan bastap kolej jumysshy mamandyqtar daıarlaýdy qolǵa alyp, 2019 jyldan dýaldy oqytý júıesin engizdi. Bul júıe teorıa men tájirıbeni ushtastyra otyryp, stýdentterdiń eńbek naryǵynda básekege qabiletti maman bolyp qalyptasýyna jol ashady. Búginde kolejde 1600-den astam stýdent bilim alsa, onyń 246-sy jumysshy mamandyqtary boıynsha, al 220-sy dýaldy júıe negizinde oqıdy.
Kolejdiń basty artyqshylyqtarynyń biri — kásiporyndarmen tyǵyz áriptestik baılanystary. Dýaldy oqytý aıasynda stýdentter óndiristik tájirıbeden ótý úshin 98 kompanıamen 467 úshjaqty kelisimshart jasalǵan. Stýdentter jyl saıyn kásibı tájirıbeden ótip, teorıalyq bilimderin naqty óndiriste qoldanýǵa múmkindik alady.
Mysaly, kolej stýdentteri qazirgi ýaqytta AO «Qazaqtelekom» kompanıasynyń «SAPA+» jobasy boıynsha belsendi jumys atqarýda. Joba aıasynda ınternet sapasyn arttyrý maqsatynda zamanaýı kúsheıtkishter ornatylyp, 5G jelisine qosylý múmkindikteri jasalýda. Stýdentter bul jobada naqty tájirıbe jınap qana qoımaı, eńbekaqy da alyp júr. Sonymen qatar, «RUBA» JSHS, «RK SERVICE» JSHS, «DRONE.KZ» JSHS, «ALFA SISTEM» JSHS sıaqty uıymdarda tájirıbeden ótýde, bul olardyń kásibı daǵdylaryn damytýǵa úlken úles qosady.
Kásiporyndardyń suranysyn eskere otyryp, kolej maqsatty daıyndyq baǵdarlamalary aıasynda 65 stýdentti oqytýda. Bul bastamaǵa «Conti-new corporation», «Byte Machine» JSHS, «Leda service» JSHS, «FD-Service» JSHS, «Appleprintgroup» JSHS, «IT Supply» JSHS sıaqty iri kompanıalar qoldaý kórsetýde.
Kolej túlekterin jumysqa ornalastyrý — oqý ornynyń basty basymdyqtarynyń biri. Bul baǵytta kolej joǵary oqý oryndarymen jáne jumys berýshi kásiporyndarmen tyǵyz baılanys ornatqan. Stýdentterge arnalǵan jumys jármeńkeleri men kásibı kezdesýler júıeli túrde uıymdastyrylyp otyrady. Sonyń nátıjesinde túlekterdiń 90%-dan astamy óz mamandyqtary boıynsha jumysqa ornalasady.
Sonymen qatar, kolejde «Aqparattyq-kommýnıkasıalyq tehnologıalar» quzyrettilik ortalyǵy men IT-hab Arena jumys isteıdi. Bul ortalyqtar stýdentterdi ulttyq jáne halyqaralyq deńgeıdegi WorldSkills chempıonattaryna daıyndap, olardyń kásibı sheberlikterin shyńdaýǵa múmkindik beredi. IT-hab Arena — jańa ıdeıalardy damytýǵa, shyǵarmashylyq sheshimderdi tabýǵa jáne olardy naqty ómirde júzege asyrýǵa arnalǵan biregeı platforma.
ALMATY POLYTECHNIC COLLEGE — bul tek bilim alatyn oryn ǵana emes, bolashaqqa senimdi qadam jasaýǵa múmkindik beretin mekeme. Bizdiń basty maqsatymyz — el ekonomıkasynyń damýyna úles qosatyn jańa býyn bilikti mamandaryn daıarlaý.