Almaly aýdany turǵyndarymen kezdesý barysynda Almaty ákimi Erbolat Dosaevqa jergilikti turǵyn Panfılov kóshesiniń Abaı dańǵylynan Shevchenko kóshesine deıingi bóligin kórkeıtý týraly ótinish bildirdi, dep habarlaıdy aqshamnews.kz
Óz kezeginde, qala basshysy bul joba bıyl «Halyq qatysatyn búdjet» baǵdarlamasy aıasynda júzege asatynyn atap ótti.
«Bıyl Almaly aýdanynda «HQB» baǵdarlamasy aıasynda 45 joba júzege asady. Bul joba da sol tizimge kiredi. Jospar boıynsha kóshe barlyq standartqa saı kórkeıtiledi. Jumysty bıyl bastap, kúzge deıin aıaqtaımyz», – dedi Erbolat Dosaev.
Aıta keteıik, 2024 jyly Panfılov kóshesiniń Qabanbaı batyr kóshesinen Jibek Joly kóshesine deıingi bóligi kórkeıtilgen bolatyn. Joba aıasynda joldyń boıy men shaǵyn sáýlet nysandary jańartylyp, jasyl aımaq 20%-ǵa ulǵaıtyldy, kópjyldyq butalar otyrǵyzyldy. Panfılov kóshesi – Almaly aýdanyndaǵy halyq eń jıi baratyn orynnyń biri, alaıda sońǵy jóndeý jumystary 2017 jyly júrgizilgen.
Sońǵy úsh jylda Almatyda «HQB» aıasynda 938 joba júzege asyrylyp, oǵan 39,1 mlrd teńge bólindi. Qala ákiminiń tapsyrmasymen 2025 jyly «HQB» baǵdarlamasyna 17,1 mlrd teńge bólindi.