Almaty qalalyq polısıa departamentiniń bastyǵy Arystanǵanı Zapparov B.Atyhanuly atyndaǵy №36 gımnazıanyń joǵary synyp oqýshylarymen kezdesý ótkizdi.
Kún tártibindegi mańyzdy máseleler – jastardyń quqyqtyq saýattylyǵyn arttyrý, jasóspirimder arasyndaǵy qylmystyń aldyn alý, qala mektepterindegi balalardyń qaýipsizdigin qamtamasyz etý, dep habarlaıdy Almaty-akshamy.kz Polisia.kz-ke silteme jasap.
«Bul maqsatty aýdıtorıa kezdeısoq tańdalǵan joq. Óıtkeni, balanyń jasóspirimdik shaǵynda qoǵamnyń jaǵymsyz áserleri men syrttan keletin qaýipti faktorlardyń áser etetinin ata-ana retinde bárimiz de jaqsy bilemiz. Tipti, qazir balalardyń kópshiligi rýhanı jáne sporttyq damýdy emes, kompúterde saǵattap otyrýdy qalap turǵan kezde, bul másele áleýmettik ózekti sanalady. Kóbine ata-analarynyń qoly bos emestiginen jasóspirimder óz betimen qalady: olar óz máselelerimen jáne sátsizdikterimen jalǵyz qalady, sodan keıin, ózderinen sál úlkenirek jasóspirim paıda bolyp, esirtkini qoldanyp kórýdi usynady. Biz, úlkender osy ómirlik mańyzdy sátti jiberip almaýymyz kerek. Balamyzdyń qıyn sátterinde janynda bolý mańyzdy, sonda ol óz ata-anasynyń, baýyrlarynyń jáne ápkeleriniń janynan qoldaý izdeıtin bolady», – dedi Arystanǵanı Zapparov.
Jalpy bilim berý mekemesiniń májilis zaly lyq toldy: mektep oqýshylary Almaty qalasynyń bas polıseıiniń dárisin óte muqıat tyńdady, bir kezderi teris jolǵa aıaq basqan qurdastarynyń talqandalǵan taǵdyrlary týraly bildi. Sondaı-aq bas PD bastyǵy tyńdaýshylardy esirtki qylmysy úshin jazanyń qataıtylǵany týraly habardar etip, jastar arasynda esirtki taratý máselesine jeke toqtaldy.
«Búgingi kúnniń sumdyǵy – «sıntetıka». Buryn satýshy men tutynýshy baılanysta bolsa, búginde olarǵa damyǵan ınternet pen túrli messendjerler “kómektesedi”. Birinshi kezekte, biz jastardy jan-jaǵyna muqıat qarap, óz ortasyn baǵalaýǵa shaqyramyz. Óıtkeni, bul mańyzdy faktor. Dos – bul seniń qolyńdaǵy temekini kórip, ony ekige bólip tastaıtyn adam bolý kerek», – dedi Arystanǵanı Zapparov.
Bul kezdesýde polıseıler otbasyndaǵy qylmystyq elementterdi jáne kez kelgen basqa qoǵamǵa jat kórinisterdi bastapqy kezeńde anyqtaý úshin muǵalimderdi oqýshylardyń ómir salty men kúndelikti ómirin sapaly zerdeleýge shaqyrdy. Osylaısha, tártip saqshylarynyń oıynsha, kámeletke tolmaǵan balanyń bolashaq ómirine oń áser etý múmkin bolady.