Ústímízdegí jyly Almaty oblysynda 28 mektep salynady.
Jetísu qūrylysshylary mektep sala bastady. Ústímízdegí jyly būl óńírde 30 shaqty bílím ordasy boı kóteredí, dep habarlaıdy Almaty-akshamy.kz oblys ákímíníń baspasóz qyzmetíne sílteme jasap.
Almaty oblysy Panfılov audanynda qazírgí uaqytta 3 mekteptíń qūrylysy bastaldy. Sonyń íshínde ekí mektep jańadan salynady.
Panfılov audandyq ákímdígíníń málímetínshe, Basqūnshy auylynda 300 oryndyq mektep boı kóterude. Onyń qūrylysymen qosa materıaldyq bazasyn tolyq jabdyqtauǵa 1 mlrd 703 mln teńge qarjy bólíngen.
Al Aqqūdyq auylynyń tūrǵyndary balalarynyń jańa mektepte oqıtynyna dán rıza. Baıbatshaev atyndaǵy 120 oryndyq orta mekteptíń qūrylysy qazír qarqyndy júríp jatyr. 703 mln teńge qarjy bólíngen osy mekteptíń būrynǵy nysany apatty dep tanylǵan bolatyn.
Sol sıyaqty shekaraǵa jaqyn Qorǵas auylyndaǵy orta mektepke kúrdelí jóndeuge 352.9 mln teńge bólíndí. Audanǵa qarasty Kíshí shyǵan orta mektebí de kúrdelí jóndeudí talap etedí. Mektep ǵımaratyn kúrdelí jóndeuden ótkízuge jobalau-smetalyq qūjattaryn daıyndauǵa oblystyq byudjetten 15,5 mln teńge qarastyrylǵan.
Osy atalǵan qūrylys nysandarynda shamamen 150-den astam jergílíktí tūrǵyn jūmyspen qamtyluda.
Jalpy, bıyl Almaty oblysynda 28 mekteptíń qūrylysy júrgízíledí, sonyń 19-y úsh auysymdy mektepterdíń ornyna tūrǵyzylady. Jáne būl qatarda «Jūmyspen qamtu jol kartasy» ayasynda salynatyn 7 mekteptíń de bar ekenín de atap ótu kerek.