Bul Ekibastuz qalasyndaǵy Monoqalalardy damytý máseleleri jónindegi keńeske qatysqan memleket basshysynyń sózi.
Memleket basshysynyń qatysýymen Monoqalalardy damytý máseleleri jónindegi keńes ótip jatyr, dep habarlaıdy Almaty-akshamy.kz Aqordanyń baspasóz qyzmetine silteme jasap.
Budan buryn prezıdent Qasym-Jomart Toqaevtyń jumys saparymen Ekibastuz qalasyna barǵanyn habarlaǵanbyz.
«Monoqalalardyń ekonomıkasyn ártaraptandyrý aıryqsha mańyzdy. Basqa da salalardy damytyp, jańa jumys oryndaryn ashý – asa ózekti másele. Bizde áli kúnge deıin monoqalalardy órkendetýge qatysty naqty ustanym men ortaq pikir joq», -dedi memleket basshysy.
Prezıdenttiń aıtýynsha, elimizdegi monoqalalarda 1 mıllıon 400 myń adam turady eken.
«Qazaqstanda 89 qala bar. Sonyń 27-si nemese 30 paıyzy – monoqalalar. Onda 1 mıllıon 400 myń adam turady. Bul – halqymyzdyń 8 paıyzy. Qazir monoqalalar ekonomıkamyzdy damytýǵa edáýir úles qosyp otyr. Olar óndiristik ónerkásip ónimderiniń 40 paıyzǵa jýyǵyn óndiredi», -dedi Qasym-Jomart Toqaev.