Almaty polısıasy qala turǵyndarynyń qoqys laqtyrý sátterinen beınerolık jınaǵyn ázirledi, – dep habarlaıdy aqshamnews.kz.
Beıne jınaq PD jedel basqarý ortalyǵynyń materıaldary negizinde jasaldy. Bul bólimsheniń beınebaqylaý operatorlary azamattar kóp jınalatyn jerlerge, turǵyn úılerdiń aýlalary men kózge túspeı qalatyn, adam kóp jınalmaıtyn oryndarǵa da ornatylǵan kameralardy táýlik boıy qadaǵalaıdy.
– Kóptegen azamattar kameraǵa kórinbeı qalamyz dep oılaıdy. Olar qaǵazdy nemese temeki tuqylyn laqtyrǵan kezde ózderin eshkim baıqamaıtyndaı kóredi. Biraq is júzinde teris áreketteri beınejazbaǵa túsip qalady jáne beınejazba ýchaskelik ınspektorǵa nemese patrúldik polısıa ekıpajyna jiberiledi. Árqaısymyz atsalysyp, salaýatty, zańǵa baǵynatyn, prınsıpshil urpaq tárbıeleýge úles qosyp, sol arqyly “Taza Qazaqstan” naýqanynyń júzege asýyna óz úlesimizdi qosa alamyz, – deıdi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Qoqys tastap ketken almatylyqtarǵa aıyppul salynatyny buǵan deıin habarlanǵan bolatyn. Almatyda abattandyrý salasyndaǵy zań buzýshylyqtarmen kúresý sharalary kúsheıtildi.
Ekologıa jáne qorshaǵan ortany qorǵaý basqarmasy qalalyq polısıa departamentimen birlesip, tártip buzýshylardy anyqtaýǵa baǵyttalǵan birlesken reıdter júrgizip jatyr. Sonymen qatar tártip saqshylary stıhıalyq oryndarda ruqsatsyz syrtqy jarnamany ornalastyrý jaǵdaılaryna basa nazar aýdarady.