Áleýmettik jelilerdegi hakerlik forýmdarda bank klıentteriniń derekter bazasyna suranys joǵary.
Sondaı-aq mundaı aqparattar aqyly. Bul ózindik bir kóleńkeli bıznes túri sanalady, - deıdi kıbershabýyldardy taldaý jáne tergeý ortalyǵynyń mamandary. Derbes derekter jelige tarap ketpeýi úshin sarapshylar belgisiz saıttarǵa kirmeýge shaqyrady, dep habarlaıdy Almaty-akshamy.kz.
24.kz saıtynyń habarlaýynsha, kóp jaǵdaıda ınternet-oıyndar men onlaın satyp alý saıttaryna kirgen paıdalanýshylar ákkilerdiń qarmaǵyna jıi túsedi.
Oljas Satıev, Kıber shabýyldardy taldaý jáne tergeý ortalyǵynyń basshysy: -
Kóp azamat tegin nársege qumar. Utys oıyndaryn kórse, aınalyp óte almaıdy. Olar asyǵystyqtan áleýmettik jelidegi aqparattyń ras-ótirigin teksermeıdi de. Oılanbastan jeke derekterin ózderi jibere salady. Sondyqtan kıber-gıgıena uǵymyn nasıhattaý kerek. Aqshany ózgeniń esepshotyna aýdarmas buryn, birneshe márte oılaný qajet. Jibergen siltemelerge ótpeý kerek.