Bıyl Qazaqstanda qos azamattyǵy bar 500-den asa adam anyqtaldy. Bul týraly ishki ister mınıstriniń orynbasary Igor Lepeha aıtty, - dep habarlaıdy almaty-akshamy.kz.
Onyń aıtýynsha, mınıstrlik qos azamattyǵy bar adamdardy anyqtaý boıynsha belsendi jumys istep jatyr.
"Konstıtýsıada qos azamattyqqa tyıym salynǵan. Barlyq eldegi áriptesterimizben birge osy baǵytta jumys isteımiz. Byltyr 800-den asa derek tirkeldi. Bıyl osyndaı 500-den asa jaǵdaı anyqtaldy. Bul adamdardyń bári Qytaı azamaty emes. Negizinen bul burynǵy TMD elderiniń azamattary: Reseı, Ózbekstan men Qyrǵyzstan", - dedi Igor Lepeha Senat kýlýarynda.
Mınıstrdiń orynbasary qos azamattyǵy bar adamdar arasynda jaýapty basshylar bolǵanyn da jetkizdi.
"Ras, kezinde biz aýdandyq máslıhat, aýdandyq deńgeıdegi sheneýnikterdi anyqtaǵan jaǵdaılar boldy. Biz aqparatty tıisti jerge jiberdik. Bıyl ondaı rezonans týdyratyn derekter bolmady", - dedi mınıstrdiń orynbasary.