Adam urlaý týraly aqparatty “102” operatory tirkegen, dep habarlaıdy Almaty-akshamy.kz
Aqtóbe qalasynyń turǵyny telefon soǵyp, onyń 23 jastaǵy aǵasyn Almatyda urlap, BMW kóligimen belgisiz jaqqa alyp ketkenin habarlady.
«Áıel adam oǵan aǵasy men belgisiz bireýdiń hat almasqan jazbasyn jibergenin aıtty. Hatta jigitti qorqytyp, Shymkent qalasyna óz betimen oralýyn talap etken. Urlanǵan adamnyń Ózbekstan azamaty ekeni jáne Shymkenttegi kirpish zaýytynda jumys istegeni belgili boldy. Jumystan shyqqan kezde jumys berýshiler onyń tólqujatyn qaıtarýdan jáne tólem jasaýdan bas tartty. Sondyqtan jigit Ózbekstan elshiligine habarlasý úshin Almatyǵa qashyp ketken. Kelip túsken dabyldan soń Almatynyń UQQKB men Áýezov aýdandyq polısıa basqarmasynyń qyzmetkerleri Shymkentke bardy, onda 31, 29, 31 jastaǵy úsh jumys berýshi ustaldy. Olarǵa aıyp taǵyldy. Olardyń basqa da yqtımal qylmystarǵa qatysy bar-joǵy tekserilip jatyr», – dedi Almaty qalalyq PD bastyǵynyń orynbasary Dıdar Ahanov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.