Tergeý sharalary júrgizilip jatyr.
Almaty polıseıleri qala turǵyndaryn aldady degen kúdikpen 27 jastaǵy azamatty ustady, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, E. esimdi jas jigittiń áreketterinen keltirilgen jalpy materıaldyq shyǵyn 36 mıllıon teńgeni quraǵan.
«Zardap shekkenderdiń biriniń nusqasy boıynsha, ol E.esimdi azamatty burynnan biledi, ol birneshe tıimdi tenderlerdi utyp aldym dep sendirip, birlesken kásipke aqsha salýdy usynady. Oǵan qarajat aýdarylǵannan keıin ol habarlasýdy toqtatqan. Sotqa deıingi tergeý barysynda taǵy eki qylmystyq epızod anyqtaldy. Bir jaǵdaıda er adam ózin tergeýshi retinde tanystyryp, qylmystyq isti toqtatýǵa kómektesýge ýáde berip, basqa adamdardyń aqshasyn jymqyrǵan, ekinshisinde – elıtalyq avtokólikti tómen baǵamen satyp alýǵa kómektesemin dep ýáde etken», – deıdi Áýezov aýdandyq polısıa basqarmasynyń bastyǵy Ulan Ábilqaıyr.
Tergeý kezeńinde ustalǵan adamǵa qatysty qamaýǵa alý túrindegi bultartpaý sharasy tańdalyp, ýaqytsha ustaý ızolátoryna qamaldy. Tergeý sharalary júrgizilýde.
