Almaty qalasynyń ákimi Baqytjan Saǵyntaev «Almaty mektepteri postkovıdtik kezeńde: Bilim sapasy, balalardyń densaýlyǵy jáne otbasynyń róli» forýmynda muǵalimderdiń kásibı ósýin qoldaý men yntalandyrýdyń jańa sharalary týraly aıtty.
Baqytjan Saǵyntaev forýmǵa qatysýshylar aldynda sóılegen sózinde forýmda dástúrli formattaǵy jumysty jańǵyrtý úshin alda turǵan mańyzdy mindetterdiń talqylanǵanyn atap ótti, dep habarlaıdy Almaty-akshamy.kz
«Bul mindetterdi tıimdi sheshýde basty ról muǵalimderge tıesili. Sondyqtan jańa oqý jylynda biz muǵalimderdi qoldaý sharalaryn júzege asyrýdy jalǵastyramyz, birinshi kezekte olardyń kásibı sheberlikteriniń ósýin yntalandyramyz», - dep atap ótti megapolıs ákimi Baqytjan Saǵyntaev.
Onlaın-oqytý tájirıbesi búginde mektepterdiń jańashyldyqqa, ınovasıaǵa ashyq, ózin únemi damytýǵa jáne shyǵarmashylyq ósýge umtylatyn muǵalimder muqtaj ekenin aıqyn kórsetti.
«Biz muǵalimderge osyndaı múmkindik bergimiz keledi, sondyqtan búgin biz N.Nazarbaevtyń bilim qorymen birge basty maqsaty sıfrlyq tehnologıalardy oqytý men meńgerýdi jáne sıfrlyq pedagogıkanyń úzdik ádisteri tájirıbesin úıretetin Digital Ustaz Almaty jańa baıqaýynyń bastalǵanyn habarlaımyz», - dedi Almaty ákimi.
Baıqaý 3 kezeńde ótedi, olardyń árqaısysyna bilim berý salasyndaǵy vebınarlar men sheberlik saǵattarynyń, kóshbasshylardyń jetekshi halyqaralyq spıkerleri qatysady.
Baıqaý jeńimpazdary úshin baǵaly syılyqtar qarastyrylǵan, al birinshi oryn ıegeri bilim taǵylymdamasynan ótý úshin Londonǵa nemese Helsınkıge barady.
«Muǵalimderdi Digital Ustaz Almaty baıqaýyna belsendi qatysýǵa shaqyramyn. Osylaısha olar biliktilikterin arttyrýmen qatar sıfrlyq dáýirde jumys isteýdiń jańa tásilderin zertteýge qadam jasaıtyn bolady», - dep Baqytjan Saǵyntaev qalanyń pedagogıka qaýymdastyǵyna nazar aýdardy.