Qostanaı oblysynyń 34 jastaǵy turǵyny men onyń Reseı Federasıasynan kelgen 33 jastaǵy seriginiń moınynda bóten kólikterdi urlaýdyń kem degende eki deregi bar, dep habarlaıdy Almaty-akshamy Polisia.kz-ke silteme jasap.
Kólik urylaryn áshkereleý jáne ustaý is-sharasyn Almaty qalasynyń krımınaldyq polısıa qyzmetkerleri Naýryzbaı aýdandyq PB men Alataý aýdandyq PB-ǵa qarasty polısıa bólimindegi áriptesterimen birlesip júrgizdi.
«Jedel-izdestirý is-sharalary barysynda kúdiktiler ustaldy. 34 jastaǵy D.esimdi azamat – negizgi aıyptalýshy. Ol kólikterdiń esigin ashyp, rólge otyrǵan. 33 jylǵy I.esimdi azamat, ol kólik urlaýǵa kómektesken. Jedel-izdestirý is-sharalary barysynda qaskóılerdiń qalanyń Alataý jáne Naýryzbaı aýdandarynda eki Toyota Highlander kóligin urlap ketkendigi anyqtaldy. Bul kólik tabyldy jáne tárkilendi, zattaı aıǵaq retinde qylmystyq is materıaldaryna tirkeldi», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Sonymen qatar urlanǵan kólikterdiń birin tekserý barysynda arnaıy toǵy bar baǵdarlamashy jáne ustalǵan adamnyń sýreti bar jalǵan kólik júrgizýshi kýáligi, basqa da jeke derekteri tabyldy jáne tárkilendi.
Qazir polısıa qyzmetkerleri ustalǵandardyń qalada jasalǵan osyǵan uqsas qylmystarǵa qatysy bar-joǵyn tekserip jatyr. Tergeý barysynda kúdiktiler qamaýǵa alyndy.