Almaty polıseıleri kólik dóńgelegin urlap ketti.
Kólikterdiń dóńgelekterin urlaǵan eki er adam ustaldy, dep habarlaıdy Almaty-akshamy.kz.
«Jedel ýákilder avtokólikterdiń dóńgelekterin urlady degen kúdikpen Almaty oblysynyń 34 jáne 40 jastaǵy turǵyndaryn ustady. Boljam boıynsha, olar qylmysty túnde jasaǵan. Bir epızodta qaskóıler quraldardyń kómegimen Chevrolet kóliginiń dóńgelekterin, odan ári qaıta satý úshin sheship alǵan. Qazirgi ýaqytta tergeý zańsyz árekettiń osyǵan uqsas 5 yqtımal epızodyn anyqtady. Anyqtalǵan derekter boıynsha QR QK-niń 188-babyna sáıkes qylmystyq is tirkeldi. Aıǵaqty zattar tárkilenip, qylmystyq is materıaldaryna tirkeldi. Kúdiktilerge qatysty qamaýǵa alý túrindegi bultartpaý sharasy tańdaldy», – dedi Áýezov aýdandyq PB-ǵa qarasty polısıa bóliminiń bastyǵy Edilhan Baıǵaraev.
Aıtpaqshy, buryn eki kúdikti de qaraqshylyq tonaý jasaǵany úshin sotty bolǵan. Qazirgi ýaqytta tergeý olardyń buryn qalanyń basqa aýdandarynda jasalǵan osyǵan uqsas qylmystarǵa qatysy bar-joǵyn anyqtap jatyr. QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.