Jergilikti polısıa qyzmetiniń málimetinshe, ótken táýlikte Almatyda 163 jol-kólik oqıǵasy tirkeldi.
JKO saldarynan 48 adam zardap shegip, bir adam qaza tapty. Almaty polısıasy jol qozǵalysyna qatysýshylarǵa úndeý jasady, dep habarlaıdy Almaty-akshamy.kz Polisia.kz-ke silteme jasap.
«Aýa raıynyń nasharlaýyna baılanysty jol qozǵalysyna qatysýshylardy qaýipsizdik sharalaryn kúsheıtýge shaqyramyz. Kóbinese bul úndeý kólikti basqaratyn qala júrgizýshilerine arnalǵan. Biz olardy jol qozǵalysy erejelerin qatań saqtaýǵa, júrgizýshi mádenıetin tanytyp, zeıindiligin arttyrýǵa shaqyramyz. Ádette, aýa raıynyń nasharlaýy, jalpy jol qozǵalysy jaǵdaıyna áser etedi. Biz avtoáýesqoılardy kólikterin qys mezgiline aldyn ala daıyndaý kerektigin, qysqy dóńgelekterge aýystyrý qajettigin eskertemiz. Bul úndeý qazir óte ózekti jáne joldardaǵy qaıǵyly oqıǵalardyń aldyn alýǵa septigin tıgizedi», – dedi Almaty qalalyq PD Ákimshilik polısıa basqarmasy bastyǵynyń orynbasary Bolatbek Baıatanov.