Daıarlyqty sátti aıaqtaǵan úmitkerler quqyq qorǵaý qyzmetine synaq merziminsiz qabyldanady.
Polısıa saqshysy bolǵysy keletin azamattardyń joly ashyldy. Shahardaǵy polısıa departamenti jas mamandardy jumysqa shaqyryp otyr, dep habarlaıdy Almaty-akshamy.kz.
«Qazaqstan Respýblıkasynyń ishki ister organdarynda jumys isteý úshin 18 jasqa tolǵan, memlekettik tildi biletin, zańnamada belgilengen biliktilik talaptaryna sáıkes keletin, jeke jáne iskerlik qasıetteri men densaýlyq jaǵdaıy boıynsha ishki ister organdary qyzmetkeriniń qyzmettik mindetteri talaptaryn oryndaýǵa qabiletti respýblıka azamattary qabyldanady», – delingen Almaty qalalyq polısıa departamenti baspasóz qyzmetiniń habarlamasynda.
İshki ister qyzmetkerlerine: tegin emdik-sanatorlyq qyzmet kórsetiledi (PD emhanasy, aýrýhana bar); aılyq jalaqy, turaqty jalaqy (jas maman úshin ortasha kórsetkish: ofıserler úshin - 121 439 teńge, serjanttar úshin - 108 884 teńge);
- jyl saıynǵy aqyly demalys;
- toqsan saıynǵy syıaqy tólemder;
- otbasynyń árbir múshesine 42 192 teńge kóleminde turǵyn úı tólemderin usyný (jeke turǵyn úıi joqtarǵa);
- materıaldyq kómek (balalar týylǵanda, nekege turǵanda, jaqyn týysynyń qaıtys bolýynda jáne t.b.);
- QR İİM vedimistik joǵary oqý oryndarynda tegin oqytý (arnaıy bastapqy daıyndyq, bakalavr, magıstratýra, doktorantýra, biliktilikti arttyrý);
- zeınetaqymen qamsyzdandyrý;
- polısıa qyzmetkerleriniń balalaryn mektepke deıingi mekemelerge kezekten tys qabyldaý;
Jáne qoldanystaǵy zańnamada kózdelgen basqa da jeńildikter men áleýmettik kepildikter qarastyrylǵan.
Mamandardyń aıtýynsha, alǵashqy kásiptik daıarlyqty sátti aıaqtaǵan úmitkerler quqyq qorǵaý qyzmetine synaq merziminsiz qabyldanady jáne bárimen birdeı klastyq shen beriledi.
