Bul qylmysqa qatysy bar kúdiktilerdiń biri buryn da osyndaı isi úshin sotty bolǵan.
Qylmystyq topty Áýezov aýdanynyń polıseıleri quryqtady, Almaty-akshamy.kz Polisia.kz-ke silteme jasap.
«Ár qatysýshyǵa jeke ról taǵaıyndaldy: bireýi satýshylarmen sóılesti, ekinshisi jalǵan túbirtek daıyndady, úshinshisi – júrgizýshi, al qyz senimdilik úshin jandarynda boldy. 22 jastaǵy O.esimdi azamat jáne onyń sybaılasy 29 jastaǵy M.esimdi azamat ınternetten IPhone telefondaryn satý týraly habarlandyrýlardy taýyp alǵan. Kórsetilgen somaǵa aldyn ala jalǵan onlaın aýdarym týraly túbirtek daıyndap, satýshylarmen kezdesý uıymdastyrǵan. Iaǵnı, qaskóı kezdesýge daıyndalyp kelgen. Olar qylmystyq jolmen alynǵan uıaly telefondardy lombardqa ótkizgen nemese satyp jiberip otyrǵan. Al túsken qarajatty óz qalaýlary boıynsha paıdalanǵan», – deıdi Áýezov aýdandyq PB-ǵa qarasty polısıa bóliminiń bastyǵy Edilhan Baıǵaraev.
Polısıa qyzmetkerleri jedel-izdestirý is-sharalary barysynda tórt kúdiktini ustady. Olar 5 qylmys jasaǵandaryn moıyndady.
«Qylmystyq is QR QK-niń 190-baby 3-bóligine sáıkes, sotqa deıingi tergeýdiń biryńǵaı tizilimine tirkeldi. Qazir tergeýshiler dáleldemelerdi pysyqtap jatyr. Ustalǵandardyń jeke basy jalpy qala boıynsha buryn jasalǵan osyǵan uqsas qylmystarǵa qatysy bar-joǵyna tekseriletin bolady», – dedi Edilhan Baıǵaraev.
Kúdiktilerdiń biri – TJO-da jumys isteıtin 29 jastaǵy slesar, buryn osyǵan uqsas qylmystar jasaǵany úshin sotty bolǵan.