Almatyda soqtyǵysqan eki avtobýstyń tejegishteri isten shyqqan degen aqparat shyndyqqa janaspaıdy. «Almatyelektrokólik» JSHS osyndaı aqparat berdi.
8 qarasha kúni Abylaı han dańǵyly men Tóle bı kóshesi qıylysynda jol-kólik oqıǵasy oryn aldy, dep habarlaıdy Almaty-akshamy.kz.
«Almatyelektrkólik» JSHS avtobýstar tejegishteriniń isten shyqqandyǵy týraly aqparattyń shyndyqqa janaspaıtyndyǵyn habarlaıdy.
2022 jyldyń 23 qyrkúıeginde №201 marshrýttyń avtobýstarynyń sany arttyrylyp, jańartyldy. LıAZ markaly 18 avtobýstyń ornyna 2022 jyly qurastyrylǵan Golden Dragon markaly 24 avtobýs jolǵa shyǵaryldy. Atalǵan shara jolaýshylar tarapynan surasnystyń artýyna baılanysty qoldanyldy.
Avtobýstar aýystyrylǵannan keıin júris ıntervaly 12 mınýttan 6-7 mınýtqa deıin qysqardy. Atalǵan avtobýstar bıyl mamyr aıynda satyp alyndy, qazirgi kezde shyǵarýshy zaýyttyń kepildemesinde, tehnıkalyq aqaýlary joq, tehnıkalyq túıinderi men agregattary, sondaı-aq tejegishteri aqaýsyz jumys atqaryp tur.