Prezıdent Qasym-Jomart Toqaevtyń Araldy qutqarý qorynyń quryltaıshy memleketteri basshylary keńesi otyrysynda baıandama jasady, dep habarlaıdy Almaty-akshamy.kz Aqordanyń baspasóz qyzmetine silteme jasap.
Uıymdy odan ári damytýǵa qatysty usynystarymdy ortaǵa salǵym keledi. BİRİNSHİ. Qordyń uıymdyq qurylymy men sharttyq-quqyqtyq bazasyn jetildirý prosesin tezirek aıaqtaý mańyzdy másele bolyp qala beredi. Qordyń basqarmasy men Atqarýshy komıtetiniń ókilettiligin jáne jaýapkershiligin keńeıtken jón. Memleketaralyq sý sharýashylyǵyn úılestirý komısıasyn Memleketaralyq sý-energetıkalyq komısıa retinde qaıta qurýdy usynamyz. Bul sharalar Qordyń tıimdiligin arttyrar edi, - dedi ol.
Ekinshi usynysyn jetkizgen Memleket basshysy aımaqtaǵy barlyq eldiń ırrıgasıa, gıdroenergetıka jáne ekologıa salalaryndaǵy múddelerin eskere otyryp, Ortalyq Azıanyń sý-energetıka resýrstaryn tıimdi paıdalaný úshin uzaq merzimdi ári ornyqty aımaqtyq yntymaqtastyq mehanızmin qurý qajet ekenin atap ótti.
EKİNSHİ. Aımaqtaǵy barlyq eldiń ırrıgasıa, gıdroenergetıka jáne ekologıa salalaryndaǵy múddelerin eskere otyryp, Ortalyq Azıanyń sý-energetıka resýrstaryn tıimdi paıdalaný úshin uzaq merzimdi ári ornyqty aımaqtyq yntymaqtastyq mehanızmin qurý. Bizdiń oıymyzsha, Halyqaralyq sý-energetıka konsorsıýmy osyndaı mehanızmniń rólin atqara alar edi.
ÚSHİNSHİ. Aral teńizi baseınindegi sý resýrstaryn esepke alatyn, monıtorıń jasaıtyn, basqaratyn jáne bóletin biryńǵaı avtomattandyrylǵan júıe engizý boıynsha jumys josparyn ázirleý. Bul bastamanyń júzege asyrylýy aımaqtaǵy sýdy paıdalanýdyń ashyqtyǵyn qamtamasyz etip, Ortalyq Azıa elderimen aradaǵy dıalogty jáne dostyqty nyǵaıtýǵa yqpal etedi, - dedi Toqaev.
Qasym-Jomart Toqaevtyń sózinshe, taǵy bir mańyzdy bastamanyń biri – Ortalyq Azıa elderiniń klımat máseleleri jónindegi jobalyq keńsesin qurý.
Bul qadam klımattyń ózgerýine beıimdelý jáne onyń saldaryn azaıtý úshin pármendi sharalar ázirleýge múmkindik beredi. Biz Bishkektiń Qordy jetildirý jónindegi Jumys tobynyń qyzmetine atsalysýyn oń baǵalaımyz. Qyrǵyz Respýblıkasy qaıtadan Halyqaralyq Araldy qutqarý qorynyń tolyqqandy múshesi bolady dep úmittenemiz. Keleshekte biz baýyrlas Qyrǵyzstannyń Qorǵa tóraǵalyq etýin qýana quptaımyz, - dedi ol.
Prezıdenttiń aıtýynsha, búgingi samıt tyǵyz yntymaqtastyq, ózara tıimdi seriktestik jasaý jáne bir-birimizdiń múddelerimizdi qurmetteý arqyly ǵana aımaǵymyzdyń turaqty damýyn, qaýipsizdigi men ekonomıkalyq ál-aýqatyn qamtamasyz ete alatynyn anyq kórsetip otyr.
Bizdiń kezdesýimiz sý salasyndaǵy óńirlik yntymaqtastyqty odan ári nyǵaıtýǵa yqpal etetin sheshimderdi ýaqtyly jáne birlese qabyldaýǵa múmkindik beredi dep senemin. Joǵary deńgeıdegi kelesi kezdesýdi ózim bastamashy bolǵan BUU aıasyndaǵy aımaqtyq klımattyq samıtpen biriktire otyryp, 2026 jyly Qazaqstanda ótkizýdi usynamyn. Sózimdi qorytyndylaı kele, Qor qyzmetin múlde jańa deńgeıge kóterý úshin Qazaqstan bar kúsh-jigerin jumsaýǵa daıyn ekenin taǵy da rastaǵym keledi. Qor jumysyna barlyq quryltaıshy memlekettiń belsendi aralasýy sý máselesin tıimdi sheshýge jáne aımaqtyq ıntegrasıanyń odan ári nyǵaıýyna yqpal eterine senimdimin, - dedi Toqaev.
Jıynda Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ózbekstan Prezıdenti Shavkat Mırzıóev, Qyrǵyzstan Mınıstrler kabıneti tóraǵasynyń birinshi orynbasary Adylbek Qasymalıev sóz sóıledi.
