Qala kúni qarsańynda eki kesh boıy qatarynan Respýblıka Saraıynyń aldyndaǵy alańda jandy mýzyka áýeledi. Abaı atyndaǵy Qazaq ulttyq opera jáne balet teatrynyń jetekshi solıseri ashyq aspan astynda óner kórsetip, olardy orkestr ujymdary súıemeldedi. Myńdaǵan adamdar súıikti ánderin tyńdaýǵa keldi. Ashyq aspan astyndaǵy kórermender zalynda oryn tappaǵandar konsertti oryndyqtarda otyryp tyńdady. Óıtkeni, kópten beri orkestrler festıvali almatylyqtardyń ashyq aspan astyndaǵy súıikti merekeleriniń birine aınaldy.
Festıvál on ekinshi jyl qatarynan ótkizilip keledi jáne ár ýaqytta uıymdastyrýshylar oǵan arnalǵan taqyrypty oılap tabady. Almatylyqtar orkestrlerdiń oryndaýynda áıgili kınokartınalar men múltfılmderdiń saýndtrekterin tyńdap, eń tanymal keńestik ándermen birge nostalgıaǵa boı aldyrdy.
Bul joly eki kún boıy almatylyqtar men qala qonaqtaryna qazaqstandyq kompozıtorlardyń mýzykasyn tyńdaý usynyldy. Alǵashqy keshte sahnadan opera solıseriniń oryndaýyndaǵy qazaqstandyq kompozıtorlardyń shyǵarmalary shyrqaldy, al olardy Aleksandr Belákovtyń jetekshiligimen estradalyq-sımfonıalyq orkestr súıemeldedi. Sahnaǵa birinshi bolyp Abaı atyndaǵy opera jáne balet teatrynyń solısi shyǵyp, «Arman Qala» ánin oryndady. Venera Alpysbaeva, Nurjan Bajekenov, Baýyrjan Mýsın jáne t.b. kópshilikti ónerlerine tánti etti. Sahnadan Qurmanǵazy, Shámshi Qaldaıaqov, zamandasymyz Tólegen Muhamedjanov jáne basqa da kóptegen kompozıtorlardyń shyǵarmalary shyrqaldy. Almatylyqtar ánderdiń kópshiligin jatqa biletin, sondyqtan da oryndaýshylarmen birge aıtty.
Belgili skrıpkashy Jámıla Serkebaeva da óner kórsetti. Sondaı-aq, konsertke qazaqstandyq estrada juldyzdary, onyń ishinde kórermenderdiń súıiktisi Mádı Rymbaev qatysty.
Ekinshi kesh Uly dalanyń fólklorlyq injý-marjandaryna arnaldy. Halyq kompozıtorlarynyń shyǵarmalaryn Qurmanǵazy atyndaǵy Qazaq memlekettik akademıalyq halyq aspaptar orkestri men "Sazgen sazy"fólklorlyq-etnografıalyq ansambli oryndady.