Bul - «Hi-Tech» is-sharasynyń birinshi kúniniń nátıjesi. Olardyń ekeýi – Reseı Federasıasynyń azamaty.
Almaty krımınaldyq polısıasynyń habarlaýynsha, sheteldikter 65 jastaǵy zeınetkerdi aldap ketken: olar onyń telefonyna vırýstyq baǵdarlamany júktep alýǵa kóndirip, onyń kómegimen uıaly bankıngke qashyqtan qol jetkizgen, sodan keıin shotynan 10 mıllıon teńge jymqyrǵan, dep habarlaıdy Almaty-akshamy.kz.
«Júrgizilgen jedel-izdestirý is-sharalarynyń nátıjesinde kúdiktiler – 1977 jyly týǵan B.esimdi azamat jáne 1985 jylǵy M.esimdi azamat ustaldy. Qolǵa túsken 46 jáne 38 jastaǵy azamattar qamaýǵa alyndy. Taǵy bir jaǵdaıda 38 jastaǵy jergilikti turǵyn alaıaqtyqpen aınalysqan. Ol adamdardy aldaý, senimge qıanat keltirý arqyly tanysynyń jeke kýáligi men bank kartasynyń sýretin paıdalanyp, onyń atyna jalpy somasy 1,3 mln teńgege nesıe rásimdegen», – dedi Almaty qalalyq polısıa departamenti bastyǵynyń orynbasary Dıdar Ahanov.
Eske sala keteıik, Almatyda 20 qarasha men 22 qarasha aralyǵynda ınternet-alaıaqtyqpen kúresý sharalarynyń tıimdiligin arttyrýǵa baǵyttalǵan “Hi-Tech” jedel aldyn alý is-sharasy júrgizilip jatyr.
«Internet jelisiniń tanymal bolýymen qyzmetterdi jáne kóptegen qyzmet túrin sıfrlandyrýmen ınternettegi alaıaqtyqtyń ádisteri men túrleri, sondaı-aq aqparattyq-kommýnıkasıalyq jelilerdi paıdalanatyn urlyq kóbeıip keledi, sondyqtan biz azamattardy ınternettegi alaıaqtyq jáne olardy onlaın qyzmetterdi paıdalanýda, sondaı-aq ınternet arqyly taýar satyp alýda saq bolýǵa shaqyramyz», – Ahanov.