Almaty polısıasy kóktem, jaz mezgilderinde jalpy qaladaǵy jol-kólik oqıǵalarynyń jaǵdaıyna áser etetin jekelegen kólik túrleriniń qozǵalysyn qadaǵalaýdy kúsheıtedi, dep habarlaıdy Almaty-akshamy.kz.
«Tájirıbede motosıklder men mopedterdiń ıeleri tikeleı aǵyndy qondyrǵylardy paıdalanatyn derekter kóptep kezdesedi, bul ásirese túngi ýaqytta azamattardyń tynyshtyǵyna áser etedi jáne olar ruqsat etilmegen jarystardy, sondaı-aq manevr jasaý jáne jyldamdyqty shekteý erejelerin óreskel buza otyryp, uıymdaspaǵan toptyq qozǵalystardy uıymdastyrady. Bul qala turǵyndary men basqa da jol qozǵalysyna qatysýshylardyń oryndy syny men shaǵymdaryn týdyrady. Osyǵan baılanysty Almaty polısıasy balamaly kólik túrlerin júrgizetin adamdardyń quqyq buzýshylyqtaryn anyqtaý jumystaryn kúsheıtti. Jergilikti reıdter júrgizilip jatyr», – dedi Almaty qalalyq PD jergilikti polısıa qyzmeti basqarmasy bastyǵynyń mindetin atqarýshy Serik Shýmaev.
Reıd barysynda patrúldik polısıa polki men mamandandyrylǵan batalónnyń jeke quramy qala joldarynda 168 quqyq buzýshylyqty anyqtap, 13 mas júrgizýshini ustady.