Memleket basshysyna Qarýly Kúshterdiń, basqa da áskerı quramalardyń ushaqtary men tikushaqtarynyń, jaýyngerlik jáne arnaýly tehnıkalarynyń jańa úlgileri tanystyryldy, dep habarlaıdy almaty-akshamy.kz.
Qasym-Jomart Toqaev avıabazadaǵy birqatar ınfraqurylymdyq nysandy aralap kórdi. İshki ister mınıstriniń orynbasary – Ulttyq ulannyń Bas qolbasshysy Erkin Botaqanov jaýyngerlik tapsyrmalardy óz deńgeıinde oryndaý úshin bazada barlyq jaǵdaı jasalǵanyn málimdedi.
Prezıdent áskerı qalashyqtyń Dańq zalyna baryp, Qurmetti qonaqtar kitabyna qoltańba qaldyrdy.
Avıabazanyń Astana áýe aılaǵynda ornalasýy jeke quram men tehnıkany qajet jerine ýaqytyly jetkizýge múmkindik beredi. Sondaı-aq áýeden barlaý júrgizý, zardap shekkenderdi evakýasıalaý kezinde Ulttyq ulannyń bólimshelerine avıasıalyq qoldaý kórsetedi.