Almaty qalasynyń polıseıleri samokat júrgizýshilerine túsindirý jumystaryn júrgizip jatyr, – dep habarlaıdy Almaty-akshamy.kz Polisia.kz-ke silteme jasap.
Almaty qalalyq PD-nyń patrúldik polısıasy jáne mamandandyrylǵan batalónynyń ınspektorlary QR-nyń «Jol qozǵalysy týraly «Zańyna engizilgen ózgertýler men tolyqtyrýlar boıynsha quqyqtyq túsindirý jumystaryn bastady. Atap aıtqanda, Zań «elektrli samokat» uǵymymen tolyqtyrylǵan, ol maksımaldy jyldamdyǵy 25 km/saǵ aspaıtyn kólik quraly retinde qarastyrylady. Engizilgen ózgeristerge sáıkes, elektrli samokat júrgizýshileri velosıped jolymen qozǵalady. Olar bolmaǵan jaǵdaıda, zańda belgilengen sharttar men tyıym salýlardy eskere otyryp, elektrli samokattarǵa júrý bóliginiń oń jaq jıegimen júrýine ruqsat etiledi.
Sonymen qatar elektrli samokattardyń júrgizýshisi keminde 18 jasta bolýy kerek, ol basyna dýlyǵa jáne ústine shaǵylystyratyn kıim kıýi qajet, sondaı-aq kez kelgen sanattaǵy júrgizýshi kýáligi bolýy shart.
Joldyń júris bóliginiń oń jaq shetinde, onyń ishinde marshrýttyq kólikterge arnalǵan jolaqpen elektr samokattaryn júrgizý kámelettik jasqa tolǵan jáne kez kelgen sanatty júrgizýge quqyǵy bar adamdarǵa ruqsat etiledi.
Erejelerdiń birin buzǵan jaǵdaıda júrgizýshiler QR ÁQBtK-niń 593-baby jáne QR ÁQBtK-niń 620-babymen jaýapkershilikke tartylady
Atalǵan baptardyń sanksıalary boıynsha quqyq buzýshylarǵa 5 AEK kóleminde ákimshilik aıyppul salynady.
Quqyq buzýshylar patrúldeý barysynda, sondaı-aq jol qozǵalysy qaýipsizdigin qamtamasyz etý salasyndaǵy jedel-profılaktıkalyq is-sharalardy júrgizý barysynda anyqtalatyn bolady. Zańnamaǵa ózgertýler men tolyqtyrýlar alǵashqy resmı jarıalanǵan kúninen keıin kúntizbelik alpys kún ótken soń qoldanysqa engiziledi.