Áıel kópirden sekirgisi kelgen.
Almaty polıseıleri ómirmen qoshtaspaq bolǵan áıeldi qutqaryp qaldy, – dep habarlaıdy Almaty-akshamy.kz Polisia.kz-ke silteme jasap.
Ótip bara jatqan adamdar dabyl qaqty. Olar tańerteń «102» púltine qońyraý shaldy. Dabyl belgisine birinshi bolyp «Býran-183» patrúldik ekıpajy áreket etti. Onyń quramynda patrúldik polısıa polkiniń ınspektorlary Nurlan Qydyrbaı men Naýryz Dánekeev boldy.
«Saǵat 06:57-de kópirden adamnyń sekireıin dep turǵany týraly qońyraý kelip tústi. Oqıǵa ornyna dereý jetkende, derek rastaldy. Qyzdyń kópirden sekirgisi kelip turǵanyn kórdik. Biz onyń qolynan ustap aldyq. Ol shok kúıinde boldy. Alaıda keıinirek poıyzdy kútip turǵanyn túsindirdi: ol poıyzdyń astyna sekirip, óz-ózine qol jumsaǵysy kelgen. Oqıǵa ornyna jedel tergeý toby shaqyryldy», dedi Naýryz Dánekeev.
Jetisý aýdandyq polısıa basqarmasynda esin jıǵan áıel otbasyndaǵy kelispeýshiliktiń saldarynan óz-ózine qol jumsamaq bolǵanyn aıtty. Oǵan psıhologıalyq kómek kórsetildi.