Daryndy balalardy qoldaý maqsatynda jan-jaqty jumystar atqarylyp jatyr.
11-synyp túlekteri halyqaralyq olımpıadalarǵa daıyndalý úshin oqý-jattyǵý jıyndaryna qatysqan jaǵdaıda qorytyndy attestasıadan bosatylýy múmkin, dep habarlaıdy Almaty-akshamy.kz
Jańa oqý jylynan bastap jalpy bilim beretin pánder boıynsha úzdik oqýshylar jáne sońǵy úsh jyl boıy halyqaralyq olımpıadalardyń jeńimpazy atanǵan «Altyn belgi» tósbelgisine úmitkerler qajet bolǵan jaǵdaıda qorytyndy emtıhandardan bosatylyp, úzdik belgisin alady.
«Buǵan deıin «Altyn belgige» úmitker halyqaralyq olımpıadalardyń jeńimpazdary qorytyndy attestasıa kezinde jazǵy oqý-jattyǵý jıyndarynda bolyp, halyqaralyq olımpıadalar men jarystarǵa daıyndalyp, emtıhan tapsyra almasa, avtomatty túrde «Altyn belgi» belgisinen aıyrylatyn. Endi túlekter ony ala alady. Ol úshin «úzdik» degen baǵa bolýy kerek. Qazir daryndy balalardy qoldaý maqsatynda jan-jaqty jumystar atqarylyp jatyr. Bul ózgeris te balalardyń múddesi úshin qabyldandy», - dedi QR Oqý-aǵartý mınıstrligi Orta bilim komıtetiniń tóraǵasy Gúlmıra Kárimova.
Bıyl Prezıdenttiń tapsyrmasymen halyqaralyq pándik olımpıadalardyń 27 jeńimpazy alǵash ret 76 mln teńgeden astam syıaqy aldy. Sondaı-aq oqýshylar jergilikti joǵary oqý oryndaryna oqýǵa grant ıelendi. Altyn medal alǵan oqýshy 1 500 AEK, kúmis medal 1 000 AEK, qola medal 500 AEK kóleminde syıaqy aldy. Oqýshylardy olımpıadaǵa daıyndaǵan tálimger ustazdar da bir rettik syıaqyǵa ıe boldy.