Amerıkandyqtar óz tańdaýyn jasaıdy.
8 qarashada AQSH-tyń barlyq shtatynda jappaı "aralyq saılaýlar" ótti, dep habarlaıdy Almaty-akshamy.kz Inbusiness.kz cilteme jasap.
Demokratıanyń ustyny sanalatyn bul el osy alaman dodany dástúrli túrde is basyndaǵy Prezıdenttiń ókilettik merzimi teń ortasyna kelgende uıymdastyrady. Azamattar Parlamenttiń tómengi, ıaǵnı Ókilder palatasynyń 435 múshesin, joǵarǵy palata Senattyń úshten birin, sondaı-aq 36 shtattyń "ákimin" tańdaıdy.
Saıasattanýshy, The Washington Post saıası sholýshysy Aaron Bleık AQSH-ta qalyptasqan taǵy bir saıası dástúrge nazar aýdartty.
"Aralyq saılaýlar óz ókili arqyly Aq úıdi baqylaýda ustap otyrǵan partıa úshin árdaıym yńǵaısyz", – dep atap ótti. Sońǵy júzjyldyqta ótken 25 aralyq saılaýdyń 19-ynda opozısıa aıqyn jeńgen.
Amerıkanyń qazirgi Prezıdenti demokrat ekenin eskersek, bul joly Demokratıalyq partıa oısyraı jeńilip, Donald Tramp pen Ilon Mask sıaqty bedeldi tulǵalar dáriptegen Respýblıkalyq partıa aıqyn jeńisin toılaýǵa tıis edi. Muny is basyndaǵy lıder de túsinse kerek.