Atalǵan joba mektep muǵalimderi men oqýshylarǵa arnalǵan.
«Qyzyqty ǵylym» jobasy Almatydaǵy orta mektepterdiń 7-8 synyp oqýshylaryna arnalǵan bóligi 28-29 qarashaǵa josparlanǵan, dep habarlaıdy Almaty-akshamy.kz.
Arnaýly semınar barysynda 134 jyldyq tarıhy bar, geografıa, jaratylystaný ǵylymdarynan bastap, ǵaryshty ıgerýge deıingi salalarda kóp jyldyq halyqaralyq ǵylymı-zertteýler men foto-, beınederekterdiń baı qoryn qalyptastyrǵan National Geographic jýrnalynyń resýrstaryn tıimdi qoldaný ádisteri tanystyrylady.
Eske sala keteıik, bul joba – Memleket basshysy Qasym-Jomart Toqaevtyń tapsyrmasymen júzege asyrylyp jatqan «Oqýǵa qushtar mektep» bastamasyn qoldaý aıasynda «Shevron» men «KAZMEDIA HOLDING» kompanıalary birlese atqaryp jatqan jumystyń bir parasy.