Túngi saǵat 00:00 shamasynda “102” púltine Halıýllına men Talǵar traktiniń qıylysynda oryn alǵan JKO týraly habarlama kelip túsken.
Qońyraý shalýshynyń aıtýynsha, Lada avtokóliginiń júrgizýshisi turaqta turǵan kólikti soǵyp, oqıǵa ornynan qashyp ketpek bolǵan, dep habarlaıdy Almaty-akshamy.kz.
«Patrúl kóligin kórgen Lada júrgizýshisi artqa sheginýge asyqqan. Biraz qýǵynnan keıin bul kólik toqtatyldy. Rólde aıaǵynda áreń turǵan 22 jastaǵy jigit boldy. Medısınalyq saraptama onyń mas bolǵanyn anyqtady. Sonymen qatar júrgizýshi jasaǵan birqatar quqyq buzýshylyqtar anyqtaldy: kólik quralyn alkogóldik masań kúıde bola tura basqarý (QR ÁQBtK-niń 608-baby), jol-kólik oqıǵasy bolǵan jerden ketip qalý (QR ÁQBtK-niń 611-baby), jalǵan memlekettik nómirdi paıdalaný (QR ÁQBtK-niń 613-baby), qarsy jolaqqa shyǵý (QR ÁQBtK-niń 596-baby), apattyq jaǵdaı týǵyzý (QR ÁQBtK-niń 606-baby), baǵdarshamnyń qyzyl túsinde qıylystan ótý (QR ÁQBtK-niń 599-baby), belgilerdiń talaptaryn buzý (QR ÁQBtK-niń 601-baby) , qaýipsizdik beldigin taqpaý (QR ÁQBtK-niń 593-baby), avtokóliktiń tehnıkalyq jaǵdaıyn buzý (QR ÁQBtK-niń 590-baby). Kólik quralyn mas kúıde basqarý deregi boıynsha óndiris materıaldary sheshim qabyldaý úshin sotqa joldandy. Kólik mamandandyrylǵan aıyppul turaǵyna qoıyldy», — dedi Medeý aýdandyq polısıa basqarmasynyń bastyǵy İlıas Ómirserikov.