Naýryzbaı aýdanynyń turǵyny alaıaqtardyń qurbany boldy.
Almaty polıseıleri ınternet-alaıaqtyqqa qatysy bar kúdiktilerdi anyqtady, dep habarlaıdy Almaty-akshamy.kz
Jaqynda er adamǵa beıtanys bireý qońyraý soqqan. Ol adamnyń sózine sengen turǵyn bankten 7 mln teńgeden astam qaryz alǵan.
«Qońyraý shalǵan azamat ózin ekinshi deńgeıli bankterdiń biriniń qaýipsizdik qyzmetkerimin dep tanystyryp, belgisiz bireýler onyń atyna nesıe rásimdemek bolyp jatqanyn aıtty. Áńgimelesýshi jábirlenýshini oǵan kómektesetinine birden sendirdi, biraq onyń nusqaýlaryn buljytpaı oryndaýdy talap etti. Aldymen “bank qyzmetkeriniń” talaby boıynsha jábirlenýshi telefonyna kúmándi qosymshany júktep alǵan, bul qaskóılerge onyń mobıldi bankıngine qashyqtyqtan qol jetkizýge múmkindik berdi. Odan ári áńgimelesýshiniń keńesimen telefonyna ekinshi deńgeıli taǵy úsh banktiń qosymshasyn júktep alǵan. Osylaısha, qaskóıler jábirlenýshiniń atyna 7,2 mln teńge kóleminde nesıe rásimdegen», – dedi Almaty qalalyq polısıa departamenti bastyǵynyń orynbasary Dıdar Ahanov.
Spıkerdiń aıtýynsha, bul qylmysty ashý úshin qalalyq krımınaldyq polısıa jáne Naýryzbaı aýdandyq PB-nyń qyzmetkerlerinen jedel tergeý toby quryldy.
«Jedel izdestirý is-sharalary barysynda alaıaqtyq jolmen alynǵan aqshany qolma-qol aqshaǵa aınaldyrý mindetin oryndaǵan 29 jáne 34 jastaǵy eki azamat ustaldy jáne qamaýǵa alyndy. Qazirgi ýaqytta alaıaqtyqtyń basqa qatysýshylaryn ustaýǵa baǵyttalǵan keshendi sharalar júrgizilip jatyr. Sotqa deıingi tergeý QR QK-niń 190-baby 3-bóligi boıynsha júrgizilip jatyr», – dedi Ahanov.
Qazaqstan Respýblıkasy QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyqbuzýshylyq jasaýda kinásiz dep tanylady.