Almatyda polısıa qyzmetkerleri 35 túp kóshet otyrǵyzdy.
Mánshúk Mámetovanyń 100 jyldyǵyna oraı uıymdastyrylǵan “Kóshet otyrǵyzý” naýqanyn Almaty polısıasynyń qyzmetkerleri qoldady, dep habarlaıdy Almaty-akshamy.kz Polisia.kz- ke silteme jasap.
Esirtki qylmysyna qarsy kúres basqarmasynyń, sondaı-aq Áýezov aýdandyq polısıa basqarmasy men bólimshesiniń qyzmetkerleri jergilikti ákimdik ókilderiniń kómegimen "Mamyr-2" shaǵynaýdanynda kóshet otyrǵyzdy. Bul massıvtiń turǵyndary da belsendilik tanytty.
Maqsat – qalanyń ekologıalyq jaǵdaıyn jaqsartý, jańa jasyl aımaqtardy jabdyqtaý. Sharaǵa qatysýshylar mundaı naýqandardyń qarqyn alyp, jyl ótken saıyn beıjaı qaramaıtyndar kóbeıetinine senimdi.
Búgingi sharaǵa 35 adam qatysyp, 35 túp qaıyń kósheti otyrǵyzyldy. Polısıa barlyq qatysýshylarǵa “Esirtkige birge qarsymyz!” jáne “Nazar aýdaryńyz! Beıjaı qaramańyz!” jadynamalaryn taratty.