Óz ýaqytynda jetkizýdi qamtamasyz etý úshin barlyq qajetti kelisimder bar.
Ulttyq bank mamandary aıyrbastaý pýnktterindegi qolma-qol shetel valútasyna qatysty jaǵdaı týraly túsinik berdi, dep habarlaıdy Almaty-akshamy.kz.
Ulttyq Bank Qazaqstan Respýblıkasynda sheteldik valútadaǵy operasıalarǵa shekteý engizý týraly qaýly nemese basqa da zańǵa táýeldi aktiler qabyldamaǵanyn habarlady. Bas banktiń túsindirýinshe, qolma-qol shetel valútasyn shyǵarý kezinde týyndaǵan qıyndyqtar, eń aldymen, halyq tarapynan suranystyń ósýine, sondaı-aq shıeleniske toly geosaıası jaǵdaı aıasynda Qazaqstanǵa basqa elderden qolma-qol shetel valútasyn jetkizýdegi logıstıkalyq kedergilerge baılanysty týyndap otyr.
«Qazirgi jaǵdaıdy eskere otyryp, Ulttyq Bank AQSH-tyń ortalyq banki - Federaldyq rezervtik júıeden qolma-qol shetel valútasynyń qosymsha kólemin jetkizý amaldaryn qarastyryp jatyr. Sondaı-aq, bizde qolma-qol aqshany kólik kompanıalarymen óz ýaqytynda jetkizýdi qamtamasyz etý úshin barlyq qajetti kelisimder bar ekenin habarlaımyz», - delingen Ulttyq Banktiń baspasóz qyzmetiniń habarlamasynda.