Almatyda 30 jastaǵy azamat shetelde tirkelgen kólikti zańdastyrýǵa jalǵan ýáde bergen.
Almaty oblysynyń 30 jastaǵy turǵyny birqatar alaıaqtyq jasaǵany úshin ustaldy, dep habarlaıdy Almaty-akshamy.kz Polisia.kz-ke silteme jasap.
«J.esimdi azamat aldaý jáne senimge qıanat jasaý arqyly sheteldik avtokólikterdiń qujattaryn zańdastyramyz degen jeleýmen sengish azamattardan aldyn ala tólem alǵan. Máselen, jábirlenýshilerdiń biri kúdiktige qujat rásimdeý úshin 800 myń teńge bergen. Kúdiktiniń osy ýaqytqa deıin tórt qala turǵynyn aldaǵany belgili boldy. Atalǵan derekter boıynsha QR QK-niń 190-baby 3-bóligine sáıkes qylmystyq is tergelýde. Tergeý kezinde aldyn ala tólem somasy “qyzmetine” baılanysty ózgerip otyrǵanyn anyqtady», – dedi Medeý aýdandyq PB-ǵa qarasty polısıa bóliminiń bastyǵy Ábdinur Tasybaev.
Qazirgi ýaqytta is júrgizýdiń tolyqtyǵyn qamtamasyz etýge jáne shyndyqty anyqtaýǵa baǵyttalǵan tergeý áreketteri júrgizilip jatyr. Ustalǵan adamnyń jeke basy osyǵan uqsas basqa da qylmysqa qatysy bar-joǵyna tekserilip jatyr. QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.