Osyǵan oraı Almaty zoobaǵy ıagýardyń erekshe tirshiligi týraly aıtyp berdi.
Bul kún jabaıy tabıǵatta osy janýarlar túriniń joıylyp ketý qaýpine nazar aýdarýǵa arnalǵan, dep habarlaıdy Almaty-akshamy.kz
Dıana atty ıagýar 2007 jyly Almaty zoobaǵynda dúnıege kelgen. Degenmen sol jyly jaısyz oqıǵa bolǵan. Onyń ákesi, belgisiz sebeptermen Dıananyń aıaǵyn qatty jaraqattap, quıryǵynyń bir bóligin julyp alǵan.
"Alaıda veterınarlarymyz Dıanaǵa der kezinde kómek berip, aıaǵynyń aman qalǵan bóligin saqtap qaldy. Iagýar únemi veterınarlardyń baqylaýynda. Qazir Dıana – Almaty haıýanattar baǵynda kóp jyldan beri turatyn, kelýshilerimizdiń súıikti janýarlarynyń biri", - delingen zoobaqtyń Instagram-daǵy paraqshasynda.
Mamandardyń aıtýynsha, Dıana denesindegi jaraqattaryna qaramastan shıraq qımyldaıdy, aınalasymen de jaqsy qarym-qatynasta.
"Kórikti janýarymyzǵa myqty densaýlyq, uzaq ómir tileımiz", - dep qosty Almaty haıýanattar baǵy.