Otshashýdan opyq jep qalmańyzdar!
Jetisý aýdany TJB qyzmetkerleri Jetisý aýdany polısıa basqarmasy ınspektorlarymen birlese otyryp QUQYQTÁRTİP JPİ aıasynda Almaty qalasy PD baspasóz qyzmetiniń qatysýymen aýdanymyzda ornalasqan Ialán jáne Baısat bazarlarynda zańsyz pırotehnıkalyq jarylǵysh zattardy satyp jatqan satýshylarǵa qatysty reıdtik is-shara ótkizildi, dep habarlaıdy Almaty-akshamy.kz.
Almaty qalasynyń Tótenshe jaǵdaılar departamentiniń málimetinshe, atalǵan is-shara barysynda polısıa qyzmetkerlerimen ÁQBtK-niń 196 baby boıynsha ákimshilik hattamalar toltyrylyp, zańsyz saýda taýarlary ornalasqan oryndar mórlendi. TJB qyzmetkerleri túsindirme jumystaryn júrgizip, broshúralar taratyldy.
Otshashýlardy, salútterdi, taǵy da basqa pırotehnıkalyq ónimderdi tek arnaıy dúkenderden satyp alǵan jón:
• Otshashýlar men salútterdi turǵyn úılerdiń nemese tez janǵysh zattardyń qasynda 20 metrden jaqyn jerlerde, tómen bastyrmalar men ósip turǵan aǵashtardyń astynda qoldanýǵa bolmaıdy.
• Otshashýlardy jaqqan kezde biltesin betke jaqyn ustaýǵa bolmaıdy.
• Otshashýdyń biltesin sozylǵan qol qashyqtyǵynda jaǵý kerek.
• Raketalar men otshashýlardy adamdarǵa qaraı atýǵa bolmaıdy.
• Otshashýlar men salútterdi qatty jel kezinde qoldanýǵa bolmaıdy.
• Árbir pırotehnıkalyq buıymda onyń qoldaný ádisi týraly nusqaýlyq jazylady. Sol nusqaýlyqty muqıat oqyp shyǵý úshin bir-eki mınýt ýaqytyńyzdy bólińiz.
• Este saktańyzdar. Pırotehnıkalyq zattardy qoldanǵan kezde kezdeısoq jaǵdaılardyń kóbisi jaýapkershiliksizdiktiń saldarynan bolady.
• Ózderińizdi, jaqyndaryńyz ben aınaladaǵy adamdardyń densaýlyǵy men ómirin saktańyzdar!