Onyń teń jartysy "Omir" ulttyq júıesi arqyly sertıfıkasıalanǵan.
Jasyl tehnologıa negizinde salynǵan ǵımarattardyń qýat kózderin paıdalaný kórsetkishi 20-dan bastap 60 paıyzǵa deıin qysqarady, dep habarlaıdy Almaty-akshamy.kz 24.kz-ke silteme jasap.
Búginde álem boıynsha energıa tarıfiniń ósip jatqanyn eskersek, bul ekonomıkalyq turǵyda óte tıimdi, deıdi mamandar. Ekologıalyq paıdasy da kóp. Birinshi kezekte joǵaryda aıtylǵan zamanaýı nysandardyń ishki aýa aınalymy jaqsy bolady. Osy jáne ózge de máseleler Ortalyq Azıadaǵy jasyl qurylys halyqaralyq konferensıasynda aıtyldy.
«Bul kóbine shetelde jaqsy damyǵan. Óıtkeni qurylys salasynyń qorshaǵan ortaǵa tıgizetin zıany óte kóp. Osynyń saldaryn eskerip, búkil dúnıejúzinde osyndaı standarttar paıda boldy. Jasyl qurylys salasyn damytýǵa jumystar jasalyp jatyr búkil dúnıe júzi boıynsha», - deıdi Qazaqstannyń jasyl qurylys jónindegi keńesiniń tehnıkalyq dırektory Aıman Shopaeva.
Jıynǵa Ázerbaıjan, Qyrǵyzstan, Ózbekstan jáne Reseı mamandary qatysty. Olar álemdegi jasyl qurylysty jobalaýdyń qyr-syryn talqylady. Ekologıalyq materıaldardy paıdalaný boıynsha tıimdi ınovasıalyq sheshimder týraly áńgimelesti. "Kómirtekti beıtaraptyq" qaǵıdatyn saqtaý jáne jasyl qurylysty yntalandyrý salasyndaǵy bilimderimen bólisip, ózara tájirıbe almasty. Shara sońynda konferensıaǵa qatysýshy elderdiń "Jasyl qurylys jónindegi keńes" ókilderi ózara yntymaqtastyq týraly kópjaqty memorandýmǵa qol qoıyldy.