2024 jyly avıasıalyq bólimsheniń kúzetiletin aýmaǵynda 10 orman órti tirkeldi, jalpy janý alańy 434 gektardy qurady. Avıasıalyq órt sóndirý qyzmetiniń jedel jumysynyń arqasynda 8 órt áýeden sóndirilip, zalal barynsha azaı̆tyldy. Bul týraly óńirlik komýnıkasıalar qyzmetiniń baspasóz konferensıasynda «Qazavıaormanqorǵaý» RMQK Almaty avıasıalyq bólimshesiniń basshysy Bekzat Baı̆shalov málimdedi, dep habarlaıdy aqshamnews.kz
«Órtti anyqtaý deńgeı̆i 75%-dy qurady, al avıasıalyq órt sóndirý qyzmetiniń órtti sóndirýge qatysýy 80%-ǵa jetti», – dedi Baı̆shalov.
Almatylyq avıaqutqarýshylardyń qorǵaýynda 672 myń gektar orman qory bar, oǵan úsh ulttyq tabıǵı park (İle-Alataý, «Kólsaı̆ kólderi», «Sharyn»), bir memlekettik qoryq jáne jeti komýnaldyq memlekettik mekeme kiredi. 2025 jyly İle-Balqash tabıǵı rezervaty aýmaǵyn avıasıalyq patrúldeý josparlanyp otyr.
2025 jylǵa qaraı̆ avıasıalyq bólimsheniń shtaty tolyq jasaqtalǵan, qyzmetkerler medısınalyq tekseristen jáne teorıalyq daıarlyqtan ótti.
«Biz órt qaýpi joǵary maýsymǵa tolyq daı̆ynbyz. Órt sóndirý tehnıkasy, quraldary men baı̆lanys jabdyqtary tekserilip, tolyqtaı̆ jaramdy kúı̆ge keltirildi», – dep atap ótti bólimshe basshysy.
Spıker ótken jyly birqatar jańartýlar júrgizilgenin eske saldy: jańa modıfıkasıadaǵy motopompalar, joǵary qysymdy qondyrǵylar, ranselik aýa úrlegishter, tutatqysh qurylǵylar, sondaı̆-aq eki jańa avtokólik – Jac-T6 jáne Gazel-Sobol satyp alyndy.