Almatyda jáne jalpy Qazaqstanda orman alqaptaryn órtten qorǵaý boı̆ynsha belsendi jumys jalǵasýda. «Qazavıaormanqorǵaý» RMQK derekterine sáı̆kes, 2024 jyly sońǵy 10 jyldaǵy orman órti qaýpiniń eń tómengi deńgeı̆i tirkeldi. Bul qolaı̆ly aýa raı̆y jaǵdaı̆lary men avıasıalyq qyzmettiń tıimdi jumysynyń nátıjesinen múmkin boldy. Bul týraly óńirlik komýnıkasıalar qyzmetiniń baspasóz konferensıasynda mekemeniń bas dırektory Marlen Aı̆nabekov málimdedi, dep habarlaıdy aqshamnews.kz
«Bizdiń basty mindetimiz – órtti ýaqtyly anyqtaý jáne ony tez arada joıý. 2024 jyly biz 218 órttiń 120-syn anyqtadyq. Avıasıalyq jáne jerústi qyzmetteriniń úı̆lesimdi jumysynyń arqasynda qysqa merzimde órttiń 93%-y jedel sóndirildi», – dep atap ótti bas dırektor.
Onyń aı̆týynsha, qyzmetti jańǵyrtý aıasynda eski tehnıkalar tolyqtaı̆ jańartyldy. Órt sóndirý júı̆elerimen jabdyqtalǵan zamanaýı ES-145, AN-125, H-130 tikushaqtary paı̆dalanýǵa berildi.
Budan bólek, 2025 jyly bólimshelerge órtti tıimdi sóndirýge múmkindik beretin ınovasıalyq SFP (Stop Fire Plus – Concentrate) órtke qarsy qospasy jetkizilmek.
Spıker sondaı̆-aq halyqaralyq yntymaqtastyqtyń mańyzdylyǵyn erekshe atap ótti. Qazaqstan Azıa orman sektoryndaǵy yntymaqtastyq uı̆ymy (AFoCO) baǵdarlamasyna belsendi qatysyp, Fransıa, Kanada, Ońtústik Koreıa jáne Taılandtyń jetekshi mamandarynan kásibı daı̆yndyqtan ótýde