Almatyda «Taza Qazaqstan» respýblıkalyq baǵdarlamasy aıasynda iske qosylǵan plasıkalyq qaqpaqtardy jınaý boıynsha ekologıalyq aksıanyń alǵashqy maýsymy aıaqtaldy, dep habarlaıdy aqshamnews.kz
Aksıaǵa mektep oqýshylary men balabaqsha tárbıelenýshileri qatysyp, birlesken kúsh-jigerdiń arqasynda 1,26 mıllıonnan astam qaqpaq jınaldy. Ekologıalyq máselelerge nazar aýdarý jáne óskeleń urpaqta ekologıalyq mádenıetti qalyptastyrýǵa baǵyttalǵan bastama jastar men olardyń ata-analarynyń tarapynan úlken qoldaý tapty. Aksıaǵa qalanyń 200-den astam mektebi men balabaqshasynyń oqýshylary qatysty.
Aksıa qorytyndysy boıynsha eń kóp úles qosqan úsh aýdan:
● Jetisý aýdany – 570 kg qaqpaq (jalpy kólemniń 22,7%-y);
● Almaly aýdany – 484 kg (19,3%);
● Áýezov aýdany – 328 kg (13,0%).
16 jeltoqsanda aksıanyń alǵashqy maýsymy qorytyndylanyp, al 21 jeltoqsan kúni Moll Aport East saýda ortalyǵynda jeńimpazdar men qatysýshylardy saltanatty marapattaý rásimi ótedi. İs-shara baǵdarlamasynda eko-jármeńke, sheberlik dáristeri jáne qaldyqtardy qaıta óńdeý men ekologıalyq tájirıbelerge arnalǵan oqytý sesıalary josparlanǵan.
Plasıkalyq qaqpaqtardy jınaý aksıasymen qatar KSC PLAST kompanıasy men Eko-Habtyń qoldaýymen qaıta óńdelgen plasıkten biregeı jańa jyldyq shyrsha jasaldy. Bul erekshe týyndynyń avtory – belgili músinshi Talǵat Jumaǵul. Shyrsha ekologıalyq máselelerdi sheshýge úmittiń sımvoly retinde qarastyrylyp, Jańa jyl qarsańynda qalanyń sánin keltirmek.
«Biz dostarymyzben birneshe apta boıy qaqpaq jınadyq. Bul ekologıa úshin paıdaly ǵana emes, óte qyzyqty is boldy. Endi jınaǵan qaqpaqtarymyz qalamyzda ádemi shyrshalardyń jasalýyna kómektesetinin bilgende, osy jobanyń bir bóligi bolǵanyma maqtanamyn», – deıdi №147 mektep-gımnazıasynyń oqýshysy Tomırıs Namazbekova.
Sonymen qatar, «Meıirimdilik» erikti qoǵamy», «Meıirim» qory, «Aýtızmdi jeńemiz» jobasy men «Insaıt» mektebiniń erekshe balalary Eko-Hab eko-jattyqtyrýshylarynyń jetekshiligimen qaıta óńdelgen materıaldardan merekelik jańa jyldyq oıynshyqtar jasady.
Bul buıymdardy Bolat Ótemuratov qory, RAMS, Eýrazıalyq bank, Almaly holdıńi, ZanHub sekildi iri kompanıalar satyp aldy. Aksıanyń mańyzdy bóligi qalanyń túrli aýdanynda ýaqytsha qaqpaqtardy qabyldaý pýnktine aınalǵan komúnıtı-ortalyqtar boldy.
«Bul joba – ekologıalyq tárbıeni shyǵarmashylyq tásilmen úılestirýdiń tamasha úlgisi. Balalardy tabıǵatty aıalaýǵa úıretý ǵana emes, shaǵyn árekettiń úlken nátıjege ákeletinin kórsetý de mańyzdy», – dedi №147 mektep-gımnazıasy tárbıe jumysy jónindegi dırektordyń orynbasary Raısa Sahıeva.
Uıymdastyrýshylar 2025 jyly plasıkalyq qaqpaqtardy jınaý aksıasy Almatynyń ekologıalyq mádenıetin qalyptastyrý boıynsha turaqty naýqanǵa aınalatynyn aıtty. Mundaı bastamalar qalany bezendirip qana qoımaı, qaıta óńdeýdiń mańyzdylyǵyn eske salyp, qorshaǵan ortany saqtaýǵa jaýapkershilik qalyptastyrady.
Eske sala keteıik, Memleket basshysynyń bastamasymen qolǵa alynǵan «Taza Qazaqstan» respýblıkalyq baǵdarlamasy eldi mekenderdiń aýmaǵyn kórkeıtýge jáne kógaldandyrýǵa baǵyttalǵan. Baǵdarlamanyń basty maqsaty – qorshaǵan ortaǵa uqypty qaraý qundylyqtaryn qalyptastyrý, halyq arasynda joǵary azamattyq jaýapkershilik pen ekologıalyq mádenıetti tárbıeleý.