Balyqtardyń orta salmaǵy 18 kg. qazdyń orta salmaǵy 4 kelige deıin jetedi.
Elimizde jeke kásipkerlerdi qoldaý erekshe. Sondyqtanda bolar ár jerde jeke sharýalar qaz, úırek, balyq ósirip tabys tabýǵa den qoıýda, dep habarlaıdy Almaty-akshamy.kz Ákimdiktiń baspasóz qyzmetine silteme jasap.
Qaratal aýdanynyń turǵyny Aksenov Anatolıı da osy kásipti bastaý úshin 10 gektar jerge jasandy kól jasap, 10 jyldan beri balyq ósirse, sońǵy 2 jylda qaz, úırek ósirýdi qolǵa alǵan.
Bul fermada búgingi kúni belamýr, sazan, móńke balyqtary, qazdyń rossıadan ákelingen etti baǵyttaǵy úlken Sera jáne aq Lında qaz túri bar. Balyqtardyń orta salmaǵy 18 kg. qazdyń orta salmaǵy 4 kelige deıin jetedi.
Kásipker Anatolııdyń aıtýynsha, qaz balapandaryn ósirip, sýǵa jibergen sátten balyqdyń ósýi 2 esege ulǵaıǵan, sebebi qazdyń eti, júni, aıaqtary men baýyry naryqta úlken suranysqa ıe bolsa, onyń sońǵyryǵyda taptyrmas tyńǵaıtqysh.
«Balyq sharýshylyǵymen aınalysyp júrgenime 10 jyldan asty. Bul kásip tabysty bolǵanymen ony 4 jyl boıy aýlamaı baptaý qajet. Al qaz, úırek balapandary 3 aı ishinde ósip, et alady. Eti dıetalyq jeńil bolyp keledi. Qazirdiń ózinde suranys óte kóp. Biraq Almaty oblysyn ǵana qanaǵattardyra alamyz. Kelesi jyly sharýashylyqty keńeıtip ónimdi búkil Qazaqstanǵa jáne shet elgede eksportaýdy josparlap otyrmyz », - deıdi ol.
Fermada búginde qazdyń 2000 jýyq sany bar. Aldaǵy ýaqytta qaz sanyn 20 myńǵa deıin jetkizýdi kózdep otyr. Ol úshin aldymen qaz jemin egetin jer ýchaskesin ákimdikten suratyp otyr.
«Eger ákimdik jem egetin jer berse, Reseıden taǵy da qazdyń etti gýbernatorlyq tuqymyn aldyramyn. Qazir fermanyń qaz eti ónimdilik qýaty 5,3 tonna bolsa, kelesi jyly 75 tonnaǵa jetkizemin», - deıdi kásipker.
Al, balyq sharýashylyǵy óz aldyna 4 jyldy 120 tonna ónim beredi. Keler jyly qaz sany artsa balyq sanyda edáýir artatyndyǵy sózsiz.