İs-sharany oblystyq esirtki qylmysyna qarsy is-qımyl basqarmasynyń qyzmetkerleri prokýratýranyń, eriktilerdiń, kadetterdiń, sondaı-aq jastar uıymdarynyń qatysýymen uıymdastyrdy, dep habarlaıdy aqshamnews.kz Polisia.kz-ke silteme jasap.
– İs-sharaǵa búkil aımaqtan eki myńnan astam adamdy jınaldy. Quqyq qorǵaý organdarymen birge aksıaǵa 486 erikti, kadet synyptarynyń 124 oqýshysy, úkimettik emes uıymdardyń 147 ókili, sondaı-aq “Amanat” partıasy janyndaǵy “Jastar rýhy” qoǵamdyq birlestiginiń 215 belsendisi qatysty. Sıntetıkalyq esirtkiniń taralýy týraly aqparaty bar tyıym salynǵan jazýlardy boıaý boıynsha aksıa búkil oblys aýmaǵynda bir mezgilde ótti, – dep atap ótti oblystyq esirtki qylmysyna qarsy is-qımyl basqarmasynyń bastyǵy Ardaq Qaısarov.
Sonymen qatar polıseıler men jastar qala jáne aýyl turǵyndarymen áńgimelesip, esirtkige qarsy taqyrypta kitapshalar men paraqshalar taratty. Jaman ádetterden bas tartýǵa shaqyryp, aımaqta esirtki zattaryn taratatyndardyń qurbany bolmaýdyń joldaryn túsindirdi.