Almatyda Qapshaǵaı kópirindegi kireberister men shyǵaberister jóndeý jumystaryna baılanysty ýaqytsha jabylady
Qapshaǵaı kópiriniń bir bóligine ortasha jóndeý júrgizýge baılanysty kólik qozǵalysyna ýaqytsha shekteý engiziledi, dep habarlaıdy aqshamnews.kz
1-ÝCHASKE: 13 qyrkúıek saǵat 23:00-den 15 qyrkúıek saǵat 11:00-ge deıin batys baǵyttaǵy kireberister men shyǵaberister jabylady. Bul aýmaqty Boraldaı, Órleý jáne Jaısan kósheleri arqyly aınalyp ótýge bolady.
2-ÝCHASKE: 14 qyrkúıek saǵat 23:00-den 16 qyrkúıek saǵat 11:00-ge deıin batys baǵyttaǵy burylatyn joldar jabylady. Bul aýmaqty Boraldaı kóshesi men Soltústik aınalma joly arqyly aınalyp ótýge bolady.
Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS pen «Iandeks kartalar» servısterinde jazylǵan.
