Keı mamandarǵa aqshalaı sertıfıkat berildi.
Almaty oblysynda aýrýdyń aldyn alýǵa jáne medısınalyq qyzmettiń qoljetimdi ári sapaly bolýyn qamtamasyz etýge bar jaǵdaı jasalyp keledi. Bul týraly oblys ákimi Marat Sultanǵazıev arnaıy ótken shara barysynda aıtty, dep habarlaıdy Almaty-akshamy.kz Almaty oblysy ákiminiń baspasóz qyzmetine silteme jasap.
Almaty oblysynda densaýlyq saqtaý salasynyń materıaldyq-tehnıkalyq bazasyn nyǵaıtýǵa 4,4 mlrd teńgeden astam qarjy bólingen. Mekemelerdiń jabdyqtalýy - 91%. Bıyl qosymsha 106 birlik arnaıy jabdyqtar satyp alynatyn bolady.
«Prezıdentimiz Qasym-Jomart Toqaevtyń aldymyzǵa qoıǵan mindetterine sáıkes aýrýdyń aldyn alýǵa, medısınalyq qyzmettiń qoljetimdi ári sapaly bolýyn qamtamasyz etýge bar jaǵdaı jasalyp keledi. Ǵımarattar jańartylyp, materıaldyq-tehnıkalyq baza nyǵaıtyldy. Jyldan jylǵa osy salaǵa bólinetin qarjy kólemi de artyp keledi. Bıylǵy jyly bul kórsetkish 4,4 mlrd. teńgeden asty. Densaýlyq saqtaý uıymdaryn qajetti mamandarmen qamtýǵa da zor kóńil bólinedi. Oblystyń medısınalyq mekemelerine sońǵy úsh jylda 354 dáriger maman jumysqa qabyldandy. Qajetti qural-jabdyqtarmen, dári-dármekpen tolyq kólemde qamtý jáne dárigerler biliktiliginiń arqasynda indettiń beti qaıtyp, barlyq sala qalypty ómirge oraldy. Antyna adaldyq tanytyp, kún saıyn erlikke teń is atqaryp júrgen sizderdiń árqaısylaryńyz qurmetke laıyqsyzdar», - dedi Qonaev qalasynda Medısına qyzmetkerleri kúnine arnalǵan saltanatty jıynda Almaty oblysynyń ákimi Marat Sultanǵazıev.
