Almaty oblysy turǵyndarynyń Whatsaap chattarynda Bartoǵaı sý qoımasyna qaýip tóngeni týraly aqparat tarady. Oblystaǵy 7 aýyldyń kóshiriletini ras pa? Aqshamnews.kz tótenshe jaǵdaı departamentinen resmı jaýap aldy.
"Bartoǵaı sý qoımasy jarylady, saq bolyńyzdar!"
Chattarda osyndaı jeleýmen taraǵan aqparat turǵyndardy dúrliktirdi.
Aqparat - feık!
Almaty oblysy, Eńbekshiqazaq aýdany ákimdigi aqparattyń jalǵan ekenin málimdedi. Ákimdiktiń aıtýynsha eldi mekenderde eshqandaı qaýip joq.
"Bartoǵaı sý qoımasyndaǵy jaǵdaıǵa qatysty tarap jatqan aqparat rastalmady, eldi mekenderge eshqandaı qaýip joq. Qaýiptiń aldyn alý maqsatynda «Qazgıprovodhoz» ınstıtýtynyń mamandary bógettiń qurylymyn qosymsha tekserip jatyr. Oqıǵa ornynda Almaty oblysy Tótenshe jaǵdaılar departamentiniń, aýdan ákimdiginiń jáne D. Qonaev atyndaǵy Úlken Almaty kanalynyń mamandary kezekshilik etýde. Jaǵdaı tolyq baqylaýda, sý deńgeıine jáne gıdrotehnıkalyq qurylymnyń jaı-kúıine turaqty monıtorıń júrgizilýde. Jaǵdaı turaqty, barlyq qyzmetter shtattyq rejımde jumys isteýde" delingen ákimdik jaýabynda.