Almaty oblysy jáne Jetisý oblysy boıynsha QAJD qarasty № 57 mekeme qyzmetkerleri donor bolyp qan tapsyrdy.
«Qan tapsyrdy – ómirdi qutqardy» qaıyrymdylyq aksıasyna Almaty oblysy QAJD qyzmetkerleri kezekti ret taǵy qatysty, dep habarlaıdy Almaty-akshamy.kz Polisia.kz-ke silteme jasap.
Áleýetti donorlardyń jalpy densaýlyq jaǵdaıyn teksergennen keıin, Qonaev qalalyq aýrýhanasy 10-ǵa jýyq QAJ qyzmetkerine qan tapsyrýǵa ruqsat berdi. Ózgege ónege kórsetken qylmystyq-atqarý júıesiniń qyzmetkerleri qan donorlarynyń qataryna múmkindiginshe kóp azamattardy tartqysy keledi.
«QAJ qyzmetkerleriniń jumysy – ómiri men densaýlyǵyna qaýip tóndiretin mamandyq, sondyqtan pogondaǵy adamdar, donorlyqtyń qajettiligin jaqsy túsinedi», – dep atap ótti QAJD bastyǵynyń orynbasary Jánibek Qosjanov.