«Mıgrant» respýblıkalyq jedel aldyn alý is-sharasy ótkizilýde
Almaty oblysynda zańsyz eńbek etken 12 sheteldik anyqtaldy, dep habarlaıdy Almaty-akshamy.kz Polisia.kz-ke silteme jasap.
Tıisti qoǵamdyq tártipti saqtaý, zańsyz kóshi-qonnyń aldyn alý jáne jolyn kesý maqsatynda 6-12 jeltoqsan aralyǵynda Almaty oblysynyń aýmaǵynda «Mıgrant» respýblıkalyq jedel aldyn alý is-sharasy ótkizilýde.
Osylaısha, 10 jeltoqsanda reıdtik is-shara barysynda Almaty oblysy PD Kóshi-qon qyzmeti basqarmasynyń qyzmetkerleri Eńbekshiqazaq aýdany İİB qyzmetkerlerimen birge Esik qalasynda kóp qabatty úılerdiń qurylys obektisinen zańsyz jumys istegen 12 sheteldikti anyqtady.
«Sheteldik azamattar jumysshy retinde jumysqa tartylǵan. Anyqtalǵan quqyq buzýshylyqtar boıynsha ákimshilik materıaldar jasalyp, odan ári sotqa joldanylatyn bolady», – dep habarlady Almaty oblysy PD Kóshi-qon qyzmeti basqarmasynyń bastyǵy Elmýrat Nýrseıtov.