Sonymen qatar bul salada kadr tapshylyǵy da ótkir seziledi.
2021 jyldyń úshinshi toqsanynda elimizdiń qurylys salasynda 640,7 myń adam jumyspen qamtyldy, bul bir jyl burynǵydan 3%-ǵa artyq, dep habarlaıdy Almaty-akshamy.kz Energyprom.kz saıtyna silteme jasap.
2020 jyldyń osy kezeńinde bul sektorda jumyspen qamtylǵandar sany 621,8 myń adamdy quraǵan.
Óńirlik úles boıynsha, osy salada jumyspen qamtylǵandardyń basym bóligi elordada tirkelgen: 74,7 myń adam. Almaty men Túrkistan oblysy da jetekshi óńirlerdiń úshtigine endi. Qurylysta jumyspen qamtylǵandardyń eń az kórsetkishi Soltústik Qazaqstan oblysynda tirkeldi: 11,2 myń adam.
Qurylysta jumyspen qamtylǵandar sanynyń eń kóp ósimi Shyǵys Qazaqstan oblysynda (25,3%-ǵa, 34,1 myń adamǵa deıin), eń qatty azaıǵany – Qaraǵandy oblysynda (7,6%-ǵa, 35,9 myń adamǵa) baıqaldy.
2020 jylmen salystyrǵanda, bıyl naryqtaǵy bos jumys oryndarynyń sany 53 paıyzǵa artqan. Jumys izdeý boıynsha tanymal servıstiń biriniń málimetine sáıkes, bul eldegi jyljymaıtyn múlikke suranystyń artýyna baılanysty bolyp otyr.
Qurylys salasynda eńbek etetinderdiń ortasha aılyq jalaqysy bıylǵy úshinshi toqsanda 314,3 myń teńgege jetti, bul ótken jylmen salystyrǵanda 32,5%-ǵa artyq. Bul saladaǵy jalaqynyń naqty ósimi jylyna 21,9%-dy qurady.
Eń joǵary ortasha aılyq jalaqyny Atyraý oblysynyń qurylysshylary alady: 465,4 myń teńge (+ 44,3%). Mańǵystaý oblysy men elordanyń qurylysshylary da joǵary jalaqy alady. Úzdik úsh aımaqta ǵana jalaqy respýblıkalyq deńgeıden joǵary.
Eń az jalaqyny Qyzylorda oblysynyń qurylysshylary alady: bar bolǵany 166,8 myń teńge – bul bir jyl burynǵydan 11,8%-ǵa artyq.