Baıqaýǵa T. Júrgenov atyndaǵy Óner akademıasynyń kıno fakúltetiniń stýdentteri - barlyǵy 30-dan astam adam qatysty.
Almaty qalasynyń «Rýhanı jańǵyrý» jobalyq keńsesi Qazaqstan Respýblıkasynyń Táýelsizdik kúni qarsańynda «Tarıhtyń kıno óneri men televızıadaǵy kórinisi» arnaıy jobasyn ilgeriletý aıasynda uıymdastyrylǵan «Qazaq kınosynyń uly tulǵalary» baıqaýynyń qorytyndysyn shyǵardy, dep habarlaıdy Almaty-akshamy.kz
Baıqaýǵa T. Júrgenov atyndaǵy Óner akademıasynyń kıno fakúltetiniń stýdentteri - barlyǵy 30-dan astam adam qatysty. Árbir usynylǵan jumys Sháken Aımanov, Ámına Ómirzaqova, Serke Qojamqulov jáne t.b sıaqty qazaq kınosy korıfeıleriniń ómiri men shyǵarmashylyǵyna degen úlken mahabbat, jylýlyq jáne iltıpatqa toly.
Táýelsiz saraptama komısıasynyń taldaý qorytyndysy boıynsha, úzdik úsh jumys iriktelip alyndy. Onda stýdentter bizdiń mádenı muramyzǵa - qazaq kınosy men televızıasyna ózderiniń kreatıvti kózqarasyn bildirdi. Baıqaý jeńimpazdary aqshalaı syılyqtarmen jáne dıplomdarmen marapattaldy.
«Úzdik rejıssýra» nomınasıasy boıynsha «Igor Vovnánko: chelovek – orkestr» fılminiń avtorlary, «Kreatıvti sheshim» nomınasıasy boıynsha «Nash mılyı doktor – Iýrıı Pomeransev» fılminiń avtory, «Úzdik fılm» nomınasıasy boıynsha jýrnalıs Beısen Quranbek týraly «BAQ» fılminiń avtorlary marapattaldy. Sondaı-aq, ózge de stýdentter, shyǵarmashylyq toptar men oqytýshylar arnaıy dıplomdarmen jáne alǵys hattarmen marapattaldy.
İs-sharaǵa Almaty qalasynyń «Rýhanı jańǵyrý» jobalyq keńsesiniń ókilderi Kasymova Raýshan Nýrkasymovna, Kasymetova Bahytgýl Tehnıkovna, T.Júrgenov atyndaǵy Óner akademıasynyń rektory Ámirbekov Sháripbek Aǵabaıuly jáne oqytýshylar men stýdentter qatysty.
Baıqaý uıymdastyrýshylary mundaı is-sharalardyń mádenı murany jandandyrý men saqtaýǵa, stýdentterdiń kreatıvti oılaýyn damytý jáne jas urpaqtyń shyǵarmashylyǵyn yntalandyrýǵa yqpal etetinin atap ótti.