Kúdiktige qatysty sotqa deıingi tergeý bastaldy.
Almaty oblysynda polıseıler brakonerden 50 keliden astam zańsyz aýlanǵan balyqty tárkiledi, – dep habarlaıdy aqshamnews.kz Polisia.kz-ke silteme jasap.
27 qazanda “Brakoner” jedel-profılaktıkalyq is-sharasyn ótkizý barysynda Balqash aýdanynyń Quıǵan aýyly mańynda polıseıler kórshi Jambyl oblysynyń 45 jastaǵy turǵynyn ustady. Er adam motorly qaıyqpen jáne tyıym salynǵan monojipti torlarmen balyq aýlaǵan.
«Tintý kezinde quqyq buzýshydan 50 keliden astam kókserke, sondaı-aq zańsyz aýlaý quraldary tabyldy. Kúdiktige qatysty balyq resýrstaryn zańsyz óndirý faktisi boıynsha sotqa deıingi tergeý bastaldy. Memleketke keltirilgen zalal 425 844 teńgeni quraıdy», – dedi Balqash aýdandyq polısıasynyń bastyǵy Aıdar Ýmarov.
Tárkilengen balyq satý jáne memleket paıdasyna túsken qarajatty aýdarý úshin qabyldaý pýnktine ókizildi.