Almatyda qysqa daıyndyq: avtoparkti jańartý, arnaıy tehnıka satyp alý júrip jatyr
Almatyda qysqy kezeńde qalaǵa qyzmet kórsetý úshin 918 birlik tehnıka daıyndalǵan, al joldar men trotýarlardy tazalaýǵa 1 400 jol jumysshysy tartylýy múmkin. Bul týraly megapolıstiń komýnaldyq ınfraqurylymdy damytý basqarmasy málimdedi, dep habarlaıdy aqshamnews.kz
Qazirgi ýaqytta jalpy uzyndyǵy 2,7 myń km asatyn 2 318 kóshede sanıtarlyq tazalaý jumystary júrgizilýde.
Kúndizgi kezeńde kóshelerdi tazalaýǵa kún saıyn shamamen 600 tehnıka birligi jáne 800 jol jumysshysy jumyldyrylsa, túngi aýysymda 220 tehnıka birligi jáne 250 jol jumysshysy tartylady.
On merdiger uıym qysqy kezeńge daıyndyq jumystaryn aıaqtady: óndiristik bazalar, arnaıy tehnıka, júrgizýshiler men jol jumysshylaryna arnalǵan demalys bólmeleri daıyndalǵan, kóktaıǵaqqa qarsy jáne janar-jaǵarmaı materıaldary, qosalqy bólshekter, qajetti quraldar, qysqy arnaıy kıimder satyp alynǵan. Sonymen qatar, qysqy jabdyqtar jıyntyǵy ornatylyp, maýsymdyq tehnıkalar qaıta jaraqtandyrylǵan, qar úıindileriniń ornalasý oryndary kelisilgen.
Kóktaıǵaqqa qarsy materıaldar da daıyndaldy.
Jumystardyń sapasy men jedeldigin arttyrý úshin jáne «Almaty Tazalyq» MKK avtoparkin jańartý maqsatynda 22 mamandandyrylǵan tehnıka satyp alyndy. Jyl sońyna deıin taǵy 10 birlik tehnıka satyp alý josparlanǵan.
Qalyń qar jaýǵan jaǵdaıda qalanyń qurylys uıymdary qosymsha 150-ge deıin samosvaldar men tıegishterdi, sondaı-aq 1 000-ǵa deıin jumysshyny qamtamasyz etedi.