5 óńirde daýyldy eskertý jarıalandy
Sınoptıkter elimizdiń 5 óńirinde daýyldy eskertý jarıalady dep habarlaıdy, Almaty-akshamy.kz.
"Qazgıdromet" málimetinshe, kúndiz 26 shildede Ulytaý oblysynyń batysynda, ońtústiginde naızaǵaı, shyǵystan, ońtústik-shyǵystan jel soǵady, ekpini 15-20 m/s kútiledi. Kúndiz oblystyń ońtústiginde 38 gradýs qatty ystyq saqtalady. Oblystyń ońtústiginde, shyǵysynda tótenshe órt qaýpi saqtalady.
Jezqazǵan qalasynda kúndiz 35 gradýs qatty ystyq kútiledi.
Kúndiz Qaraǵandy oblysynyń ońtústiginde soltústik-shyǵystan, shyǵystan jel soǵady, ekpini 15-20 m/s, 35 gradýs qatty ystyq kútiledi. Oblystyń ońtústik-shyǵysynda joǵary órt qaýpi saqtalady.
Qyzylorda oblysynyń soltústiginde túnde jáne tańerteń naızaǵaı kútiledi. Kúndiz oblystyń soltústiginde, ortalyǵynda shańdy daýyl kútiledi. Jel soltústik-batystan soǵady, oblystyń soltústiginde, ortalyǵynda kúshi 15-20 m/s kútiledi. Kúndiz 40 gradýs qatty ystyq saqtalady. Oblystyń basym bóliginde tótenshe órt qaýpi saqtalady.
Qyzylorda qalasynda tótenshe órt qaýpi saqtalady.
Batys Qazaqstan oblysynyń soltústiginde, soltústik-shyǵysynda, ońtústik-shyǵysynda naızaǵaı, burshaq, daýyl kútiledi. Jel ońtústik-batystan soltústik-batysqa aýysyp soǵady, naızaǵaı kezinde ekpini 15-20 m/s.
Oral qalasynda naızaǵaı, burshaq kútiledi.
Aqtóbe oblysynyń soltústiginde kúndiz qatty jańbyr kútiledi. Oblystyń ońtústiginde, shyǵysynda, soltústiginde naızaǵaı, burshaq kútiledi. Ońtústik-shyǵystan soǵatyn jel ońtústik-batysqa aýysady,naızaǵaı kezinde ekpini 15-20 m/s.
Aqtóbe qalasynda naızaǵaı kútiledi. Ońtústik-shyǵystan soǵatyn jel ońtústik-batysqa aýysady, naızaǵaı kezinde ekpini 16 m/s.